Posted on

Македонија2025 донираше сетови за наука на 20 основни училишта

Скопје (19.02.2024)

Во изминатата недела Македонија2025, во рамки на проектот “Науката и Јас„, донираше сетови за наука на 20 основни училиштa низ државата.

Сетот за наука се доделува како инструмент – наставно помагало за поддршка и унапредување на образовниот развој во нашата земја, со цел обезбедување и подобрување на условите за одржување на наставата по природни науки во 6-то одделение. Овие сетови се доделија на оние училишта чии што наставник по природни науки беше учесник/учесничка на „Науката и Јас“ дводневната Тренинг работилница за ефективна настава по природни науки за наставници по природни науки во Македонија, одржана на 16-17 јануари 2024 година во Скопје.

Целокупната иницијатива има за цел да обезбеди долгорочна и континуирана корист од сетот за наука во училишната средина, осигурајќи го неговото значење за наставниците и учениците. Со опремување на нашите училишта со најновите научни алатки и ресурси, отвораме свет на откритија и иновации за следната генерација. Нашата цел е да ги инспирираме младите умови, да ја поттикнеме љубопитноста и да ги поддржиме наставниците во обезбедувањето влијателно научно образование. Сметаме дека континуираната примена на сетот за наука може да го зголеми нивното интересирање, мотивација и разбирање на наставните содржини, што на крајот ги подготвува за успешно справување со предизвиците во својата идна научна и академска кариера.

Претставници на Македонија2025 посетија три од училиштата корисници, меѓу кои: ООУ “Невена Георгиева – Дуња„ во Кисела Вода од Скопје, ООУ “Алија Авдовиќ„ од с. Батинци (Скопско) и ООУ “Блаже Конески„ од Велес и свечено им ги предадоа Сетовите за наука. Во секое од училиштата се остварија средби со наставниците и директорите на која се разговараше околу можностите за понатамошна соработка и организација на предстојните Саеми за наука. Во рамките на овие регионални саеми за наука наставниците – учесници на обуката имаат обврска да прикажат индивидуални научни проекти спроведени и претставени од нивни ученици од 6 одделение.

Ова е еден мал, но значаен чекор во поддршка на образованието и развојот на младите умови во нашата заедница.

Во оваа прилика би сакале да изразиме благодараност на две општествено одговорни компании: Арс Ламина (Литература.мк) и Тримакс, кои се приклучија кон иницијативава и го збогатија сетот за наука со своите производи.

Македонија2025 го имплементира овој проект во рамки на Johnson Matthey Програмата за влијание на заедницата „Науката и јас“.

Posted on

Оглас за пријавување на бизнис експерти и консултанти за обука и меѓународна сертификација за дигитален експерт

Центарот за дигитална трансформација „ГоДигитал“, со поддршка од Македонија2025 објавува отворен повик за обука и меѓународна сертификација за дигитален експерт за бизнис експерти и консултанти. Сите заинтересирани бизнис експерти и консултанти (вклучително и консултантски компании) можат да се пријават за бесплатна обука и сертификација во три области:

  • е-трговија и експерт за социјални медиуми,
  • експерт за дигитална трансформација и
  • ИТ безбедност

ГоДигитал ги покрива сите трошоци за обука и меѓународна сертификација на консултантите, додека пак консултантите ќе имаат обврска за враќање на средствата за обуката кон „ГоДигитал“ во форма на консултантски услуги за микро, мали и средни претпријатија. Консултантските компании кои ќе предложат консултанти ќе имаат можност за комерцијални ангажмани на проекти во македонски микро, мали и средни компании.

Обуката ќе започне на 15.03.2024 (петок), и ќе трае во 3 турнуси од по два дена, како и практичен испит за сертификација од лиценцирана Австриска организација.

Апликантите треба да ги исполнуваат следните административни барања:

  • Физички лица граѓани на Република Македонија;
  • Најмалку 8 години работно искуство како самостоен консултант или во рамки на компанија,
  • Завршени најмалку додипломски студии,
  • Напредна компјутерска писменост,
  • Одлично познавање на англиски јазик.

Предност имаат кандидатите со искуство и сертификати во технологија, иновации и бизнис процеси.

Пријавувањето се врши преку пополнување на форма достапна подолу. Потребно е да се достават следните документи:

  • Професионална биографија;
  • Мотивациско писмо (најмногу 500 зборови);
  • Референци/сведоштва од најмалку еден претходен клиент (до 300 зборови по документ);
  • Примери (case study) за две успешно завршени консултантски работи за дигитална трансформација на бизниси (до 500 збора);

Дополнително да се достави референца од работодавач доколку пријавувањето е преку консултантска компанија.

Крајниот рок за апликации е понеделник, 26.02.2024 во 23:59.

За повеќе информации контактирајте не на: 02/3161015

Лице за контакт: Јана Крстевска (jana@macedonia2025.com)

Posted on

Натпревар „НАЈДОБАР БИЗНИС КОНЦЕПТ ЗА ЗЕЛЕНИ ИНОВАЦИИ – 2024“

Центарот за извонредност во зелени иновации, Машински Факултет – Скопје, и Националниот центар за развој на иновации и претприемачко учење, заедно со партнерите Македонија2025 и Халкбанк АД Скопје, и проектите GREENOVET и WBC-RRI.NET Embedding RRI во Земјите од Западен Балкан, со големо задоволство ќе го реализираат натпреварот за „НАЈДОБАР БИЗНИС КОНЦЕПТ ЗА ЗЕЛЕНИ ИНОВАЦИИ – 2024 година“ за учениците од сите средните училишта во нашата држава.

Финалниот натпревар ќе се одржи на 23.03.2024 (сабота) во просториите на Машинскиот факултет во Скопје (амфитеатар) и истиот ќе се одвива на англиски јазик. Правилата за учество на натпреварот можете да ги најдете на: https://app.box.com/s/cwtxs5a6hktry3ekgdxytfynbls19og4

Рокот за испраќање на апликациите е до 11.03.2024 (понеделник) до 24:00 часот. 

Македонија 2025 и Халкбанк ќе обезбедат пригодни награди за најдобрите тимови.

Дополнителен мотив за учество во натпреварот е наградата која е обезбедена од проектот GREENOVET преку кој за првопласираниот тим е обезбедено учество на меѓународниот натпревар за зелени иновации кој ќе се одржи во Грац, Австрија во периодот од 15-19 април 2024 година.

Posted on

Анка Трајковска Петкоска – промотивна кампања „НАУКА ЗА ИДНИНАТА“

Ајде да инспирираме повеќе ученици да ја засакаат НАУКАТА!

Со особено задоволство следна во серијалот мотивациски приказни ви ја претставуваме инспиративната животна сторија на Проф. д-р Анка Трајковска Петкоска, редовен професор на Техничко-технолошки факултет во Велес при Универзитет “Св. Климент Охридски„ Битола.

Ова е поглед во нејзината филозофија и страст за науката, обележена со посветеност кон истражување, непрестано учење и инспирација од храбрите научници: „Мојата приказна ќе ја започнам со зборовите на познатата добитничка на Нобелова награда – Марија Кири: ,,Ништо во животот не треба да не плаши, едноставно треба да се разбере. Сега е време да осознаеме повеќе, за да се плашиме помалку.“ (Nothing in life is to be feared, it is only to be understood. Now is the time to understand more, so that we may fear less.)

Отсекогаш се воодушевував на храбрите научници кои ги поместуваа границите на познатото и превземаа ризици, пред се поради нивната пасија кон работата/истражувањата, желбата за успех, и истрајноста да се докажуваат пред останатите особено пред оние кои не верувале во нивниот успех (понекогаш тврдоглаво, но гордо). Посебен белег и инспирација ми биле научниците од женскиот род на минатиот век кои навистина имале многу потежок пат до успехот споредено со научниците денес.

Во мојот живот имав среќа да учам од извонредни учители, професори и ментори, посетив најразлични академски установи и лаборатории во многу земји; се дружев со академски граѓани од помлади генерации до повозрасни истражувачи, дури и Нобеловци – од сите нив научив многу, и денес знам каква сакам да бидам. Сакам секојдневно да учам и читам за напредокот во науката, посебно во областа на новите материјали, нивните модификации и подобрувања, инженерство кое како мултидисциплинарен пристап вклучува предзнаења од хемија, физика, математика. Тоа им го препорачувам и на младите генерации – учете нови предмети секојдневно, пронајдете спој/решение на наученото и новите потреби во општеството, читајте многу, определете ја Вашата желба или Вашиот иден повик, и фокусирајте се кон него. Опкружете се со луѓе кои се подобри од Вас, кои споделуваат визии и идеи, и така ќе се чувствувате како вечен ученик кој учи и истражува. Јас сеуште го преферирам овој начин на работа и соработка, да се дружам и учам од подобрите од мене, бидејќи ние старееме не поради годините кои ги имаме, туку затоа што престануваме да учиме.

За крај би препорачала: “Единствен начин да направите значајна работа е да го сакате она што го работите” (The only way to do the great work is to love what you do – S. Jobs). Неодамна, ја добив титулата за Најдобар Научник на мојот Универзитет – ова ми е поттик да продолжам да го работам тоа што го сакам и да бидам самата подобра верзија од мојата вчерашна. (повеќе на следниот линк: fakulteti.mk)“

Нашата кампања „Наука за иднината„ има за цел да ги мотивира и поттикне учениците од основното образование кон патот за да станат научници кои се во развој или се двоумат. Личната порака до сите основци со цел да ги мотивираме да изберат кариера/ образование поврзано со наука од проф. Анка Трајковска Петкоска гласи: “Знаењето е најголемото богатство што може да го поседуваме без страв дека ќе бидиме ограбени.

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.
Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.

Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК

Повеќе за промотивната кампања „НАУКА ЗА ИДНИНАТА

Ви благодариме што сте дел од ова неверојатно патување!

Кампањата е имплементирана во рамки на Johnson Matthey Програмата за влијание на заедницата „Науката и јас“. Повеќе за проектот „Науката и јас

Posted on

Оглас за работа – Главен оперативен директор

Организацијата Македонија 2025 е посветена на создавање на просперитетна економска клима во Република Македонија која ќе ги подобри можностите за граѓаните, домашните компании и странските инвеститори. Ние промовираме одржлив економски раст преку поттикнување на конкурентноста, претприемништвото, иновациите и лидерството.

Заради остварување на нашата мисија потребени ни се лица кои се високо мотивирани, амбициозни и талентирани лица. Опис на позицијата: Како главен оперативен директор (ЦОО) на Македонија2025, ќе бидете одговорни за надзор и управување со секојдневните операции на организацијата за да се обезбеди непречено функционирање и раст. Известувајќи директно до главниот извршен директор, ќе играте клучна улога во спроведувањето на стратешките иницијативи, оптимизација на оперативните процеси и поддршка на организациските перформанси.

Главниот оперативен директор управува со компанијата секојдневно, и ќе ги извршува следните работни обврски:

  • Дизајнирање и имплементација на деловна стратегија, планови и процедури, во соработка со главниот извршен директор и Одборот на директори
  • Обезбедување на координација помеѓу активностите на организацијата
  • Поставување сеопфатни цели за перформанси и раст и мониторинг на напредокот кон постигнување на поставените цели
  • Воспоставување на политики кои ја промовираат културата и визијата на компанијата
  • Следење на секојдневните операции на компанијата и работата на персоналот, заради постигнување на ефикасност и ефективност во сите области на работењето
  • Поддршка на извршниот директор во финансиско планирање, буџетирање, соработка со асистентот за финансии и одржување на финансиската стабилност на организацијата
  • Водење на вработенита да постигнат максимални перформанси и посветеност
  • Известување и соработка со извршниот директор за сите важни работи
  • Помагање на извршниот директор во напорите за мобилизација на средства
  • Учество во активности за проширување (нови програми, инвестиции, партнерства, итн.)
  • Управување на односите со партнерите и главните стејкхолдери.

Услови за работа:

Позицијата е со работно време од 40 часа неделно во Скопје. Селектираните кандидати ќе бидат ангажирани со потпишување на договор за 6 месеци пробна работа (која ќе вклучува и обука), со можност за продолжување на договорот и редовно вработување на неопределено време. Месечниот надоместок ќеизнесува најмалку 70,000 денари во нето износ.

Работата на раководителот ќе се оценува најмалку еднаш годишно од страна на главниот извршен директор и претседателот на Одборот на директори на Македонија2025. Работата се оценува врз основа на однапред утврдени таргети. Согласно успешноста во работата, ќе имате право на пораст на платата и/или бонус за успешност во работата.

Квалификации и вештини:

  • Завршени додипломски или магистерски студии;
  • Релевантно работно искуство на средно ниво на менаџмент од најмалку 7 години; 
  • Одлични комуникациски вештини, со високо ниво на говорен и пишан Англиски јазик;
  • Напредно познавање на алатките на Microsoft Office (посебно Word и Excel) и Google;
  • Аналитичност, прецизност и деталност во работењето;
  • Способност за справување со повеќе разновидни задачи истовремено;
  • Креативност и само-иницијатива, желба за постојано учење и надградување на знаењето;
  • Навременост и строго почитување рокови; 
  • Подготвеност за индивидуална и тимска работа;
  • Познавање и верување во мисијата на Македонија2025.

Рок и начин на пријавување:

Документите кои ги докажуваат горните барања да се достават по електронски пат на careers@macedonia2025.com. Документите треба да содржат:

  • Професионална биографија;
  • Мотивациско писмо на англиски јазик (најмногу една страна);
  • Референци од претходни работодавачи/проектни координатори.

Првичната селекција ќе се спроведе врз основа на доставените апликации. Само избраните кандидати во втор круг ќе бидат повикани на интервју.

Почеток и завршеток на работно време: од 08:00/09:00 до 16:00/17:00 часот, од понеделник до петок. 

Рокот за доставување на апликаците е 5 февруари, 2024 година.   Приклучувањето кон Македонија2025 како главен оперативен директор претставува можност да  придонесете кон мисијата на организацијата за поттикнување на економскиот раст и просперитет во Македонија. Доколку сте динамичен, стратешки лидер со страст за оперативна извонредност и позитивно влијание, ве покануваме да аплицирате за оваа влијателна улога.

Напомена: Овој опис на работното место е општ опис на одговорностите и квалификациите и може да подложи на промени согласно потребите на Македонија2025.

Posted on

Open call for scholarships for the OHRID HI-TECH EXCELLENCE CAMP 2024

OPEN CALL FOR SCHOLARSHIPS

FOR THE

OHRID HI-TECH EXCELLENCE CAMP 2024

Application Deadline: 31.03.2024

Macedonia2025 is a non-profit, non-political organization dedicated to building strong partnerships and linkages worldwide and working together towards building a stronger nation. We represent a platform for all Macedonians around the globe to unite and join our efforts in supporting the economic and democratic growth of Macedonia.

Ohrid Hi-Tech Excellence Camp provides an opportunity for youths of Macedonian origin to further their knowledge in coding and robotics. Furthermore, participants will have the opportunity to get in touch with their roots and network with Macedonians from all over the world, in an inspiring environment by the Ohrid Lake.

Macedonia2025 announces an Open Call for Scholarships for the fourth Ohrid Hi-Tech Excellence Camp, which will take placein Ohrid, North Macedoniaon July 7-13, 2024.

Ohrid High-Tech Excellence Camp combines traditional summer fun with an exclusive opportunity to develop and practice coding, STEM, and robotics skills with peers from all over the world. Based on the specially designed STEM curriculum of the Israeli license for STEM international programs presented in over 50 countries in the world “Young Engineers” through an official representative within the territory of the Republic of North Macedonia “Young Engineers Skopje Macedonia”, children will be introduced to an interdisciplinary approach of learning Science, Technology, Engineering and Mathematics (STEM) with use of LEGO bricks. Furthermore, the participants will learn how to program and use the FABLE components.    Participants will be challenged to innovative thinking, will need to identify a problem that people face and propose a solution through the creation of an innovative project and the presentation of the basic human skills that are necessary for the achievement of a common goal by a group of different people who need to show mutual respect and care. These aims will be achieved through the Sustainable Development Goals (SDG) of the United Nations as challenges on which participants will work together and will learn to try and not give up, to be the next generation of leaders and innovators, tackling the world’s most difficult challenges. This year (2023 – 2024), the theme of the FIRST® LEGO® League, the Educational Robotics Competition is the creative fusion of art and technology in the process of creating a Masterpiece (MASTERPIECE challenge), by finding unique solutions to real-life challenges and better communication around the world.

This Camp is also an opportunity to establish friendships, strengthen and build on native Macedonian culture, explore local nature and our cultural heritage, and experience Macedonian cuisine and specialties. 

Key Benefits

– Improve high-tech skills (coding, programming, and robotics);

– Promote greater enrollment of youth, and especially young women, from disadvantaged socio-economic backgrounds in STEM (Science, Technology, Engineering, and Mathematics);

– Establish connections and networks among young Macedonians living in Macedonia and young diaspora members, and support cross-cultural exchanges between them;

– Establish and strengthen the connection of young diaspora members with their homeland, developing their sense of giving back to our homeland/community; and

– Interact with some of the top leaders in the country and top business leaders from the country and/or abroad.

Program Content

This weeklong camp will consist of both theoretical and practical sessions that teach medium/advanced coding and robotics skills.

The training sessions will take place over the course of 5 working days (4 hours/per day). The rest of the day will be filled in with organized activities, such as cultural events, socialization, field trips to local sights, beaches, and sightseeing. Supervisors, lecturers, or volunteer chaperones, will accompany participants at all times.

Participants will be equipped with the following:

  • Interdisciplinary skills in STEM – basic and advanced STEM principles, coding, and robotics, by internationally licensed Young Engineers / Robotics & Innovation Academy;
  • Skills and abilities necessary for the 21st century, such as: Programming languages; Science and Engineering; Problem-, product-, project-based learning; Teamwork; Core leadership values; Outside the box thinking; Critical thinking; Creative thinking; Problem-solving;
  • Becoming Generations of Global Citizens who realize their power to build a better future with the use of technology

The program delivery will focus on modern, highly effective teaching and learning methods. The program curriculum will be delivered by certificated STEM lecturers. Participants will work in groups or in pairs to complete a customized project. Participants will work with exclusively available know-how for innovative learning based on a strategic plan and educational system supported by the Harvard Graduate School of Education, iCarnegie at Carnegie Mellon University, and New York State Education Department, awarded by the British Ministry of Education.

Besides the core activities of the Camp, Macedonia2025 will enrich the Program with:

●      How-those-it-works in practice: visit of an international company from authomobile industry where participants will gained insights into the highly complex and robotized production process;

●      Motivational discussions with members of the Macedonia2025 Board of Directors, with rich professional experiences and high competencies in computer science and engineering, passion for technology, and an entrepreneurial mind.

The Cultural Socialization and Networking will be comprised of the:

●      Orientation and team-building activities;

●      Networking with youths from different countries, engaging in cross-cultural learning experiences, exchanging ideas, and building networks for future international cooperation;

●      Public speaking activities that will enrich communication and increase the presentation skills of participants, as well as their creative and critical thinking;

●      Improving foreign language competencies (English/Macedonian);

●      Cultural activities and programs in partnership with the largest national music and arts festival, “Ohridsko Leto”.

Date and Location

Ohrid Hi-Tech Excellence Camp will take place on July 7-13, 2024 in Ohrid, North Macedonia. The venue (a 3+ star hotel facility) will be announced in due time.

Language of instruction

The official language of instruction is English. However, we highly encourage the use of the Macedonian language in communication outside of the classroom.

Eligibility

●      Students aged 11-15, who are interested in deepening their knowledge in the fields of coding and robotics

●      Macedonian students and those of Macedonian origin from the diaspora

●      Adequate knowledge of the English and Macedonian languages is appreciated

●      Basic knowledge of Coding, Programming and Robotics

●      Preference will be given to young individuals from economically disadvantaged backgrounds. 

Application

To apply, you need to submit a completed application (HERE) and Parent consent form (MK and EN) on the Macedonia2025 E-scholarship Platform (HERE).

The instructions and clarification for required documentation for scholarships for OHRID HI-TECH EXCELLENCE CAMP 2024 are available on the E-scholarship Platform (bottom left corner) 

Up to 20 candidates will be selected through the following selection process:

●      Administrative pre-selection of the applications by Macedonia2025

●      Selection of successful candidates by a Selection Committee

●      The selection committee will have a personal interview with the potential candidates

●      Selected candidates from the diaspora will be notified by April 2024, while candidates coming from Macedonia will be selected by May, 2024.

Note: Gender, ethnicity, and participation from different countries and regions in Macedonia will be taken into account when creating a diversified group of participants.

Participant’s fee

The scholarship fully covers all costs for the Camp.

The Camp scholarship covers classes, camp set of materials, FB accommodation, excursions, and transport costs.

As a sense of responsibility and giving back to your parent’s homeland opportunity awaits prospective participants from the diaspora: contribute a specified amount to sponsor the participation of a friend from a socially vulnerable family in Macedonia.  

Note: The organizers reserve the right to provide partial scholarships, based on individual socio-economic background. The organizers will provide for the participant’s travel arrangements from Skopje to Ohrid.

Partner organizations

●      MASIT – The Macedonian Chamber of Commerce for Information and Communication Technologies https://masit.org.mk/en/, represented by their member companies: Brainster https://brainster.co/ and ISourse http://isource.com.mk/

●      Young Engineers e² Young Engineers – Skopje, Macedonia   Young Engineers – Homepage

●      Robotics & Innovation Academy https://robotics.mk/

●      Ohridsko Leto – Cultural program partner http://ohridskoleto.com.mk/

Important Notice

Certificates for successful completion of the program will be awarded to all participants.

As our beneficiaries, you are invited to be involved in Macedonia2025’s programs and activities in the future.

After program completion, beneficiaries are required to complete a satisfaction survey and submit testimonials.

We look forward to receiving your applications!

Posted on

Вероника Попоска – промотивна кампања „НАУКА ЗА ИДНИНАТА“

Ајде да инспирираме повеќе ученици да ја засакаат НАУКАТА!

Со особено задоволство следна во серијалот мотивациски приказни ви ја претствавуваме нашата стипендистка од Програмата “Атанас Близнакоф“ за студентска извонредност – Вероника Попоска, студентка во трета година на Природно-математичкиот факултет при Универзитетот “Св. Кирил и Методиј„ во Скопје.

Таа е млада и амбициозна студентка, која ни раскажува за својата љубов кон науката и за нејзината определба за студии, нагласувајќи: „Многу луѓе се интимидирани од науката. Мислат дека таа е тешка и многу сложена, и затоа воопшто не сакаат да стапат во допир со неа. Мене тоа што ме мотивираше да научам за биологијата и хемијата е токму таа љубопитност кон тоа што сите викаат дека е многу тешко и несфатливо. Сакав прво да видам за себе си што е толку тешко што предизвикува такви реакции од луѓето, и дојдов со сознание дека воопшто не е тешко.

Бев во деветто одделение кога се одлучив дека сакам да сум биохемичар. Од тогаш секоја година го надоградувам своето знаење, учам подетално за некоја реакција која се случува во некој биолошки процес или пак учам за сосема нови реакции во кои стапуваат биомолекулите. Како што станува посложена науката, така се повеќе ме мотивира да учам за неа. Секако, големо влијание врз мојата мотивација имаа предметите како физиологија и органска хемија, тие предмети ги учев со задоволство иако на многу од моите колеги им беа тешки за учење.

Затоа можам да кажам дека ако некој рече дека нешто е „тешко“ и „сложено“, ќе бидам доволно љубопитна да го научам.“

Вероника ја сподели со нас и нејзиниот став и искуство при студирањето: „Успехот кој го имам на мојот факултет е резултат на многу вложено време и труд. Верувам дека најубавите работи во животот не доаѓаат лесно, треба човек да покаже дека е издржлив и упорен за да го добие тоа што го сака. Но сметам дека добив дури и повеќе од тоа што го сакам, добив сознанија за светот кој обичен човек не би ги знаел. Како на пример колку прецизно и усовршено работат системите на човечкото тело (на молекуларно ниво) за да образуваат една целина, да не одржуваат живи. Навистина вреди еден човек барем да прочита за било кој дел од природата, дали е хемија,физика или биологија, и самиот да види дека за природата вреди да се знае и научи што е можно повеќе.

Нашата кампања „Наука за иднината„ има за цел да ги мотивира и поттикне учениците од основното образование кон патот за да станат научници кои се во развој или се двоумат. За таа цел пораката на Вероника до нејзините врсници е “Знам дека ништо не знам”. Колку подолго време поминувам на моите студии толку повеќе се навраќам на овој цитат од грчкиот филозоф Сократ. Затоа нека не ве плаши природата и нејзините чуда. Ако еден човек ги научил, можете и вие.„

Моќта на знаењето
Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.

Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК

Повеќе за промотивната кампања „НАУКА ЗА ИДНИНАТА

Ви благодариме што сте дел од ова неверојатно патување!

Кампањата е имплементирана во рамки на Johnson Matthey Програмата за влијание на заедницата „Науката и јас“. Повеќе за проектот „Науката и јас

Posted on

Македонија2025 со силна поддршка на развојот – поддржани над 55 компании и околу 500 млади лица 

Скопје, 12.12.2023 –  Јакнење на конкурентноста, поттикнување на силен економски развој и реформи, зајакнување на приватниот сектор преку партнерства и соработка се во фокусот на организацијата Македонија 2025. Таа годинава реализираше низа активности кои беа насочени кон зајакнување на капацитетите на човечките потенцијали како главни двигатели на развојот во сите сфери на општественото живеење, кон зајакнување на конкурентноста на компаниите и кон подобрување на перформансите на  институциите. Околу 55 компании добија менторство и поврзување со експерти и компании, што даде конкретен придонес за зајакнување на нивните капацитети. Имплементирани се околу 30 различни програми, а скоро 500 талентирани средношколци и студенти добија стипендии и право на учество на различни програми, со што ги унапредија своите вештини и лидерски капацитети.  

Преку програмата за развој на бизнисите и конкурентност беше организирана обуката за развој на бизнис и претприемништво „Лидер“, која се реализира во соработка со Ајви бизнис школата од Канада. Со оваа програма, преку мини-специјалистички (МБА) обуки, 26 млади претприемачи добија менторство од искусни професионалци од земјата и странство. Понатаму, 7 мали и средни претпријатија добија експертска помош од Канада за развој на своите бизниси и настап на странски пазари преку Програмата за семејно претприемништво на семејството Битов. Онлајн платформата Connect2MK поврза 12 македонски бизниси со македонски професионалци од дијаспората кои ги советуваа и менторираа, а на платформата се регистрирани 69 компании и 63 експерти. На овој начин организацијата придонесе претприемачите од земјава да добијат поддршка и да ја подобрат својата конкурентност и пристапот на пазарите. Преку Програмата за извршни директори – Зафировски, 10 македонски бизнис лидери беа дел од престижната Келог школа за менаџмент.

За поддршка на младите кои треба да бидат идната движечка сила на општеството, преку програмата „Таленти денес-лидери утре“, беа доделени 10 стипендии за талентирани средношколци од социјално ранливи семејства. Организиран беше и натпревар за најдобри зелени бизнис проекти на млади лица, а најдобрите предлози беа наградени. Организацијата го помогна изборот на 58 нови стипендисти и продолжувањето на право за користење на стипендии за студентска извонредност на 76 студенти на УКИМ од фондацијата „Атанас Близнакоф“ од САД. Дополнително, преку различни програми, над 340 млади луѓе ги развија или подобрија своите вештини за програмирање, кодирање, роботика, ChatGPT,претприемништво и за финансиска писменост. 

Македонија2025 даде активен придонес и кон важни економски реформи во земјата, како што се поттикнување и привлекување странски инвестиции, стратегија за образование, стратегија за ИКТ, национална развојна стратегија, унапредување на фискалната политика и дигитализација на бизниси.

Годинава успешно беше организирано и 12-тото издание на Самитот на Македонија2025 со над 500 учесници и 45 говорници, како платформа за поттикнување на економски реформи, регионално поврзување и вмрежување на бизнисите и дијаспората. Во насока на дефинирање на можностите за вклучување на дијаспората кон економскиот развој на Македонија, организирани беа и 2 настани за вмрежување во САД (Нејплс и Мелбурн), каде што присуствуваа над 100 македонски професионалци кои живеат и работат во САД односно Австралија. Во септември годинава беше организиран и настан во Чикаго, чија цел беше мобилизација и финансиска поддршка од дијаспората, каде беа собрани 1,3 милиони долари кои ќе бидат насочени кон проширување на активностите на Македонија2025. На настанот присуствуваа над 400 претставници на дијаспората, а главни говорници беа извршниот директор на Боинг, Дејвид Калхун, и претседателот Пендаровски. Во соработка со македонскиот претседател и Македонија2025 беа доделени нови годишни признанија за придонес на припадниците од дијаспората. Овие признанија ги добија четворица заслужни Македонци од Канада и САД за нивниот исклучителен придонес за македонската заедница во областа на филантропијата и социјалното влијание, хуманитарната работа и лидерство. 

Повеќе за Македонија2025 достигнувањата за 2023 година може да погледнете ТУКА

Македонија 2025 ќе ги продолжи своите активности и идната година, а планирано е и проширување на програмите за работа особено во доменот на конкурентноста, поддршката на младите, дигитализацијата, намалувањето на корупцијатата и односите со дијаспората. Од основањето до сега, Македонија2025 имплементираше програми за економски развој во вредност од 4 милиони долари. Дополнително на тоа, во сегментот на образованието и лидерството, донирани се 2 милиони долари, а во овие програми досега беа вклучени над 680 менаџери, претприемачи и млади таленти од Македонија.

Posted on

ПОВИК ЗА НОМИНАЦИИ ЗА ПРИЗНАНИЕ ЗА ПРИДОНЕС НА ПРИПАДНИЦИТЕ НА ДИЈАСПОРАТА за 2024 година

Македонија2025 во соработка со Кабинетот на Претседателот на Република С. Македонија

распишува

ПОВИК ЗА НОМИНАЦИИ ЗА ПРИЗНАНИЕ ЗА ПРИДОНЕС НА ПРИПАДНИЦИТЕ НА ДИЈАСПОРАТА

за 2024 година

Краен рок за доставување на номинации е 15.03.2024 година

Македонија2025 во соработка со Кабинетот на Претседателот на РС Македонија објавува повик за поднесување на иницијативи/номинации за добитници на Признанието за придонес на припадниците на дијаспората за тековната 2024 година. 

Оваа иницијатива на Македонија2025 е наменета за поединци, припадници од дијаспората, кои без оглед кога и каде се родени се нераскинлив дел од националното ткиво на македонскиот народ, како симболично признание за нивниот несебичен и континуиран ангажман и придонес во различни сфери кон родната земја.

Признанијата се доделуваат за исклучителен придонес и постигнати резултати во доменот на општествениот и/или економскиот развој, образованието, научно-истражувачките работи, уметноста, како и за особени заслуги од областа на социјалната и хуманитарната помош, или пак придонеле за подобрување на определени состојби во родната земја. 

Признанијата за придонес на припадниците на дијаспората ги доделува Претседателот на Република Северна Македонија. 

Признанијата се доделуваат во облик на повелба и плакета. 

Максималниот број на признанија кои може да се доделат во една година е (3) три.

Кој може да биде добитник/добитници на Признанијата за придонес на припадниците на дијаспората?

Добитници на признанијата се физички лица со потекло од Република Македонија кои може, но не мора да имаат македонско државјанство. 

Начин на пријавување или поднесување иницијатива/номинација 

Поднесувањето на иницијатива/номинација за Признание за придонес на припадниците на дијаспората е на посебно определен образец, објавен во рамки на повикот за Признание за придонес на припадниците на дијаспората. 

Припадниците на дијаспората – добитници на други признанија и награди доделувани од страна на Претседателот на РСМ може повторно да се номинираат за добитници на ова Признание.

Поднесувањето на иницијативата/номинацијата може да биде на македонски и/или англиски јазик. 

Образецот може да го симнете тука на МК и на ENG

Критериуми за признавање на придонесот за Признанијата за придонес на припадниците на дијаспората

Македонија2025 ги воспоставува следните критериуми за признавање на придонесот на припадниците на дијаспората:

  • Филантропија и социјално влијание: Добитникот има значаен придонес за општествени цели, добротворни организации и/или проекти за развој на заедницата во Република С. Македонија.
  • Бизнис и претприемништво: Добитникот поттикнал и постигнал значителен успех како претприемач, инвеститор или бизнис лидер, директно или индиректно придонесувајќи за растот и развојот на македонската економија.
  • Академска и истражувачка извонредност: Добитникот се истакнал во академски или истражувачки активности, придонесувајќи за унапредување на знаењата и вештините во Македонија или во регионот.
  • Лидерство и застапување: Добитникот покажал исклучителни лидерски вештини или се залагал за македонските интереси, промовирајќи ја свеста и разбирањето за Македонија и нејзиниот народ.
  • Уметност и култура: Добитникот ја промовирал македонската уметност и култура во странство или придонел за зачувување и промоција на македонското културно наследство.
  • Хуманитарна работа: Добитникот придонел во хуманитарни напори, како што се помош при катастрофи, поддршка на бегалците или иницијативи за социјална правда, во корист на Република Македонија или на други на кои им е потребна.
  • Иновации и технологија: Добитникот вовел и/или донел преку партнерство иновативни технологии, производи или услуги кои ја подобриле конкурентноста и продуктивноста на македонските бизниси или организации.

Овие критериуми не се исцрпени и може да се земат предвид дополнителни области во зависност од добиените номинации за потенцијани кандидати за добитници.

Областите за доделување на Признанијата за придонес на припадниците на дијаспората се различни категории кои се утврдуваат согласно придонесот на самото лице на кое му се доделува признанието. (пр. Признание за придонес на припадниците на дијаспората во областа на промоција на образованието за социјално ранливи категории на студенти и сл.) 

Поднесување на предлог за иницијатива/номинација за признание

Предлози за поднесување на иницијатива/номинација за признанија, можат да достават македонски и странски физички лица, организаторите на ова Признание, како и здруженија на граѓани, владини и невладини организации и асоцијации од земјава и странство. Предлози за поднесување на иницијатива/номинација на признанија за придонес на припадниците на дијаспората може да поднесат и функционери кои раководат со државните органи, како и  вработените во тие органи.

Предлозите/номинациите за доделување Признание за придонес на припадниците на дијаспоратасе доставуваат преку електронска пошта, на следнава адреса:diasporarecognition@macedonia2025.com.

Комисија за селекција на добитници на Признание за придонес на припадниците на дијаспората

Комисијата за селекција на добитници на Признание за придонес на припадниците на дијаспората се состои од претседател и членови кои ги номинира и именува Македонија2025, во соработка и координација со Кабинетот на Претседателот на РСМ.

Во комисијата членуваат индивидуи од редот на истакнати поединци и претставници од државни органи и организации, здруженија на граѓани, научни, стручни и други институции од Република Македонија, но и странство. Во комисијата постојано членство имаат по еден член од Македонија2025, Кабинетот на Претседателот и/или поранешен добитник на Признание за придонес на припадниците на дијаспората.

Постапка за избор на добитници на Признание за придонес на припадниците на дијаспората

Предлозите/номинациите за избор на добитници на признанија се доставуваат на официјалната електронска адреса на Македонија2025: diasporarecognition@macedonia2025.com

Македонија2025 врши административна проверка на документацијата, и потоа ги проследува предлозите до Комисијата за избор. Комисијата ги разгледува доставените предлози и номинации, врз основа на Правилникот за работа на Комисијата за избор и сопствена стручна основаност на седница ги разгледува и избира лицата добитници на Признанието. Комисијата има право да побара дополнителни информации од поднесувачите на предлогот. 

Во рок од 15 дена од доставувањето на документацијата за номинираните лица од организаторот на Признанието, комисијата доставува одлука за избор на лице/лица за доделување на соодветно признание на организаторот. 

Одлуката за избор на лице за добивање на Признание за придонес на припадниците на дијаспората се добива врз база на просто мнозинско гласање. 

Одлуката за избор на лице/лица за добитници на Признание за придонес на припадниците на дијаспората јавно се објавува минимум 20 дена пред настанот на доделување на истото, сé со цел да се има доволно време за спроведување на постапката за потенцијален приговор.  

Признанијата се доделуваат на посебен настан од страна на Претседателот на Република Северна Македонија.

Рок за доставување на номинации за 2024 година

Рокот за доставување на предлог номинација за доделување на Признание за придонес на припадниците на дијаспората е 15 март 2024 година (23:59) и тоа по електронски пат на следнава електронска адреса: diasporarecognition@macedonia2025.com

Непотполни номинации и номинации примени по предвидениот рок за поднесување нема да се разгледуваат. 

Повеќе за Признанието за придонес на припадниците на дијаспората  и претходните добитници на истото, можете да погледнете на  https://macedonia2025.com/award/recognition-for-diaspora-contribution/.

Posted on

Jovan Stefanovski – The promotional campaign “Science for the Future”

Let’s inspire more pupils to love SCIENCE!

Embarking on a mission to provoke a passion for science among young minds, our promotional campaign, “Science for the Future,” proudly presents Jovan Stefanovski, a dynamic Laboratory Analyst working in Quality Control at Johnson Matthey Macedonia.

He shared with us the beginning of his professional journey in Johnson Matthey, stating: “I recall one day, as I checked my email inbox, I noticed a message from both my faculty and the head professor of the Center of Career and Talent agency. Initially, I wasn’t paying attention to it, assuming it was yet another notification about a COVID crisis seminar, a frequent occurrence in my inbox. Little did I anticipate that this email held the potential to change my life, as it revealed an internship opportunity with Johnson Matthey, the largest and highest-grossing company in North Macedonia, specifically targeting pharmacy students like myself for a program in the laboratory department.

Given that I was nearing the completion of my studies with an expected graduation the following year, I decided to seize the opportunity and enroll in the internship program. Stepping into the Johnson Matthey laboratory for the first time remains vivid in my memory. Meeting my mentors and exploring the entire department, we were introduced to various equipment and instruments. Each intern was assigned a specific instrument, and I found myself tasked with sample preparation and the determination of metals through ICP-OES analysis.

The staff at Johnson Matthey was incredibly welcoming and kind, patiently addressing my numerous questions as I crossed the learning curve of being an intern. Eager to research my analysis, I quickly started preparing samples and obtaining results. While my initial outcomes didn’t meet expectations, through dedication and practice, I eventually achieved precise and accurate results, aligning closely with the reference values.

The collaborative efforts of the staff and mentors played a crucial role in my development. I can now confidently affirm that I am part of an exceptional team comprising experienced, enthusiastic, and competent individuals whom I trust implicitly. They generously shared their time and expertise, shaping me into a proficient analyst and aspiring scientist.”

His inspirational quote/personal message to all primary school students to motivate them to choose a science-related career/education is “Science has existed since the beginning of time, and the science of today is the technology of tomorrow. Together we fight for a brighter tomorrow.” These reflective words echo not just as a message, but as a symbol of encouragement, beckoning the next generation to embrace the wonders of science and join the pursuit of a future related to science.

The Power of Knowledge

In a world full of possibilities, the gift of knowledge is the most valuable treasure we can bestow upon the next generation. By joining this initiative, you become a beacon of inspiration for those who will carry the torch of science forward.

Let’s work together to inspire, empower, and educate. Let’s ignite the passion for science in the hearts of primary school pupils. Your words could be the spark that lights the fire of curiosity and excellence.

Share your favorite motivational quote and/or a short success story that highlights your journey as a scientist, on the following LINK

Join us in shaping the future of science and the young scientists who will define it. Together, we can make a difference.

Thank you for being a part of this incredible journey!

More about the “Science and Me” project

The campaign is implemented as part of Johnson Matthey’s Community Impact Program “Science and Me”