Month: June 2025

Науката – прозорец кон светот што другите не го гледаат!

Во рамките на кампањата „Науката и Јас“, која ја реализираме како дел од програмата за влијание на заедницата на Џонсон Мети, со огромна радост ја споделуваме приказната на Зорка Христова Трајкова – наставник ментор и професор по хемија во ООУ „Крсте Петков Мисирков“ од Радовиш. Нејзината посветеност, љубов кон науката и инспиративниот начин на кој им ја приближува хемијата на учениците се доказ дека науката е повеќе од само формули и лаборатории – таа е начин на гледање на светот.

Еве ја нејзината порака за сите основци: “Ќе го гледате светот на начин кој другите не можат. Додека некој гледа само вода, вие ќе гледате H₂O – рамнотежа на енергија и живот. Додека другите се восхитуваат на боите на небото, вие ќе знаете дека тие се резултат на бесконечна игра на молекули и светлина.”

Зорка ги споделува своите впечатоци од нејзината посета на фабриката “Џонсон Мети„: „Како наставник по хемија, посетата на фабриката ‘Џонсон Мети’ претставуваше исклучително значајно и инспиративно искуство. Оваа компанија, глобално призната по своите иновации во областа на хемиското инженерство и напредните материјали, остава силен впечаток со својата висока технолошка култура, систематска организација и одржлив пристап кон производството.

Од професионален аспект, особено ме фасцинираше начинот на кој се интегрирани принципите на зелена хемија во секој дел од производниот процес. Реалната примена на катализатори со прецизна молекуларна структура, развиени за контрола на емисиите и за подобрување на енергетската ефикасност, е одличен пример за тоа како хемијата директно придонесува за глобални еколошки цели.

Посебно внимание заслужува високото ниво на автоматизација и контрола на процесите, што овозможува доследност во квалитетот, но и минимизирање на ризиците поврзани со ракување со опасни супстанци. Безбедносните протоколи и континуираниот мониторинг на условите во производните хали се пример за најдобри индустриски практики.

Како едукатор, оваа посета ја гледам и како мост меѓу теоретското знаење што го пренесуваме на учениците и неговата примена во реалната индустриска средина. Таа ми даде идеи како да ја приближам хемијата до учениците преку примери со вистинска додадена вредност – од научна, технолошка, но и општествена перспектива

‘Џонсон Мети’ не само што произведува напредни хемиски производи, туку и поставува стандарди за етичка и одговорна индустрија. Посетата беше повеќе од професионална обврска – беше инспирација за понатамошно продлабочување на наставата и за мотивирање на младите генерации да ја откријат примената моќ на хемијата.“

Да продолжиме заедно да ја откриваме науката – да ја гледаме во капката вода, во светлината на небото, во молекулите на секојдневието. Затоа што науката е секаде – само треба да ја забележиме.

———————-

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК  

Повеќе за промотивната кампања „НАУКА ЗА ИДНИНАТА“

Ви благодариме што сте дел од ова неверојатно патување!

Кампањата е имплементирана во рамки на Johnson Matthey Програмата за влијание на заедницата „Науката и јас“. 

Повеќе за проектот во Македонија „Науката и јас“  и за самата глобална иницијатива на Џонсон Мети тука

Науката како начин на размислување – приказна на Томе Китановски

Во светот на науката, секое големо откритие започнува со едно едноставно прашање: „Зошто?“. Денес, како дел од нашата кампања „Науката и Јас“, имаме чест да ја споделиме инспиративната приказна на Томе Китановски – наставник по биологија при ООУ „Гоце Делчев“ во Василево и докторанд на Школата за докторски студии на УКИМ. Неговото патување е доказ дека љубопитноста, посветеноста и постојаната жед за знаење се клучните двигатели на успехот во науката.

Томе верува дека науката не е само предмет во училиште, туку начин на размислување и моќна алатка за создавање подобар свет. Еве ја неговата мотивациска порака за сите основци: „Секое големо откритие започнува со едно едноставно ‘Зошто?’. Биди храбар да прашуваш, љубопитен да истражуваш и упорен да создаваш – науката е патот до иднината што ти сам ќе ја обликуваш.“

Томе ја раскажува својата приказна: „Се викам Томе Китановски, којшто желбата за влез низ портите на науката ја имаше уште од најмала возраст, кога како дете кое се истакнуваше со љубопитна природа и истражувачки дух тежнееше да пронајде одговори на своите прашања за светот што не секогаш се гледа со голо око – светот на микроорганизмите, инсектите, животните и воопшто на природата која го опкружуваше.

Првите мои стапалки во светот кој го проучува светот, тоа за мене е науката, беа втиснати со завршување на средното образование – медицинска насока, преку која ги совладав основите на функционирање на човечкото тело. Продолжив по веќе трасираниот пат, и станав дипломиран професор по биологија – професија со која можев и сакав да инспирирам млади умови да ја засакаат науката, исто како што ја засакав и јас.

Но, тука не застанав! Сфаќајќи колку е важно науката да се поврзе со секојдневниот живот и технологијата, продолжив со мастер студии по Дизајн и менаџмент на технолошки процеси, а денес сум докторанд по Технологија на Технолошко-металуршкиот факултет во Скопје.

Науката е свет на истражувањето, критичкото размислување и иновациите. Во тој свет научив дека со труд, љубопитност и истрајност – сè е возможно. Ве охрабрувам и Вас, драги ученици, да ја следите Вашата љубов кон науката. Таа не е само предмет во училиште – таа е моќна алатка што го менува светот. Светот има потреба од млади научници како Вас кои ќе поставуваат нови стандарди!“

Продолжуваме да ја градиме иднината на науката заедно – со инспиративни приказни, експерименти и идеи што го менуваат светот, чекор по чекор.

———————-

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК  

Повеќе за промотивната кампања „НАУКА ЗА ИДНИНАТА“

Ви благодариме што сте дел од ова неверојатно патување!

Кампањата е имплементирана во рамки на Johnson Matthey Програмата за влијание на заедницата „Науката и јас“. 

Повеќе за проектот во Македонија „Науката и јас“  и за самата глобална иницијатива на Џонсон Мети тука

Ајде заедно да ги инспирираме идните генерации научници!

Во рамките на кампањата „Наука за иднината“, која ја реализираме како дел од Џонсон Мети програмата за влијание на заедницата „Науката и Јас“, со гордост ја споделуваме инспиративната приказна на Биљана Илиева, наставник ментор и наставник по биологија во ООУ “Св. Климент Охридски” с. Драчево (Скопје).

Биљана Илиева е пример за тоа како љубовта кон науката и посветеноста кон учениците може да остават траен белег врз идните генерации. Таа верува дека науката не е само збир на факти, туку патување полно со љубопитност, истражување и откритија, каде секој ученик има еднаква шанса да ја пронајде својата пасија.

Еве ја нејзината мотивациска порака за сите основци: „Науката не е само збир на факти – таа е патување каде секој ученик има еднаква можност да ја негува својата љубопитност, истражувачкиот дух, да експериментира и да открива научни вистини, затоа што големи научници не се раѓаат туку се оформуваат чекор по чекор уште од училишните клупи.“

Биљана раскажува и за своето лично патување: „Отсекогаш сум сакала да бидам наставничка. Мојата упорност и посветеност придонесоа желбата да ми се оствари. Веќе 30 години со љубов ја работам мојата животна професија како наставничка по биологија, вградувајќи во моите ученици дел од мене и мојата наука. И најголема награда за мене како нивна наставничка е кога ќе ги видам како пораснале во возрасни, вредни, успешни и задоволни млади луѓе подготвени за сите предизвици на новото време.“

Следете нè за повеќе инспиративни приказни од наставници и идни научници низ Македонија!

Заедно ја градиме иднината на науката – чекор по чекор, експеримент по експеримент.

———————-

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК  

Повеќе за промотивната кампања „НАУКА ЗА ИДНИНАТА“

Ви благодариме што сте дел од ова неверојатно патување!

Кампањата е имплементирана во рамки на Johnson Matthey Програмата за влијание на заедницата „Науката и јас“. 

Повеќе за проектот во Македонија „Науката и јас“  и за самата глобална иницијатива на Џонсон Мети тука