Marija – Page 2 – Macedonia2025

Posted on June 2, 2025June 2, 2025 by Marija

Биљана Илиева- Промотивна кампања „НАУКА ЗА ИДНИНАТА“

Ајде заедно да ги инспирираме идните генерации научници!

Во рамките на кампањата „Наука за иднината“, која ја реализираме како дел од Џонсон Мети програмата за влијание на заедницата „Науката и Јас“, со гордост ја споделуваме инспиративната приказна на Биљана Илиева, наставник ментор и наставник по биологија во ООУ “Св. Климент Охридски” с. Драчево (Скопје).

Биљана Илиева е пример за тоа како љубовта кон науката и посветеноста кон учениците може да остават траен белег врз идните генерации. Таа верува дека науката не е само збир на факти, туку патување полно со љубопитност, истражување и откритија, каде секој ученик има еднаква шанса да ја пронајде својата пасија.

Еве ја нејзината мотивациска порака за сите основци: „Науката не е само збир на факти – таа е патување каде секој ученик има еднаква можност да ја негува својата љубопитност, истражувачкиот дух, да експериментира и да открива научни вистини, затоа што големи научници не се раѓаат туку се оформуваат чекор по чекор уште од училишните клупи.“

Биљана раскажува и за своето лично патување: „Отсекогаш сум сакала да бидам наставничка. Мојата упорност и посветеност придонесоа желбата да ми се оствари. Веќе 30 години со љубов ја работам мојата животна професија како наставничка по биологија, вградувајќи во моите ученици дел од мене и мојата наука. И најголема награда за мене како нивна наставничка е кога ќе ги видам како пораснале во возрасни, вредни, успешни и задоволни млади луѓе подготвени за сите предизвици на новото време.“

Следете нè за повеќе инспиративни приказни од наставници и идни научници низ Македонија!

Заедно ја градиме иднината на науката – чекор по чекор, експеримент по експеримент.

———————-

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика. Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК

Повеќе за промотивната кампања „НАУКА ЗА ИДНИНАТА“

Ви благодариме што сте дел од ова неверојатно патување!

Кампањата е имплементирана во рамки на Johnson Matthey Програмата за влијание на заедницата „Науката и јас“.

Повеќе за проектот во Македонија „Науката и јас“ и за самата глобална иницијатива на Џонсон Мети тука

Posted on May 30, 2025May 30, 2025 by Marija

Congratulations to the April/May 2025 Zafirovski Executive Education Program Cohort!

We’re proud to celebrate the successful completion of the Executive Development Program (EDP) at Kellogg Executive Education, Kellogg School of Management, Northwestern University’s flagship program for senior leaders. This spring, an impressive group of professionals from seven countries wrapped up their blended virtual and in-person growth, insight, and global connection journey.

A warm welcome to Metodija Papazoski, Monika Joshevska, and Danica Alachka Dukoska – the newest members of the Zafirovski Fellow Club, now 49 strong and growing with each cohort of leaders committed to impact and excellence.

Special thanks to Robin Zafirovski and Mike Zafirovski for their unwavering support and vision in shaping the next generation of transformative leaders.

Stay tuned for the October 2025 cohort – more leadership journeys to come!

Posted on May 27, 2025May 27, 2025 by Marija

Отворен повик – Програма за развој на микро, мали и средни компании поддржана од Фондацијата Битов и Catalyste+ Канада 2025

За програмата

Програмата им овозможува на македонските компании да добијат стручна поддршка и советување од искусни канадски консултанти со богато меѓународно искуство и врвни професионални достигнувања. Консултантите работат на конкретните предизвици со кои се соочуваат компаниите, придонесувајќи кон побрз раст, зголемена конкурентност и интернационализација.

Секоја компанија се поврзува со консултант чија експертиза и искуство одговараат на нејзините специфични потреби. Консултантите пренесуваат напредни бизнис алатки, процеси и системи за подобрување на организациските, производствените, аналитичките и маркетиншките капацитети преку обуки и менторства во времетраење од две до четири недели. Главните сектори кои ги покриваат консултантите се: финансии, туризам и угостителство, агробизнис, ИКТ, управување со природни ресурси, обновливи извори на енергија, прехранбена индустрија и други. Програмата не исклучува ниту еден сектор.

Програмата е основана во соработка со Catalyste+ (поранешна СЕЅО SACO) канадска организација со 50 годишнo искуство во областа на меѓународниот економски развој. Организацијата работи на развој на приватниот сектор и на зацврстување на структурите кои ги поттикнуваат економските и општествените промени на локално, национално и меѓународно ниво.

Што обезбедува Македонија2025?

Во рамки на програмата, Македонија2025 ги покрива сите трошоци за ангажирање на консултантите. Дополнително, организацијата ја спроведува евалуацијата на апликациите, го води целиот процес на селекција, организира интервјуа со консултантите и ја координира соработката со Catalyste+. Претставници на Македонија2025 континуирано ја следат соработката меѓу консултантите и компаниите.

Обврски на компанијата

Компанијата треба да обезбеди:

Лице кое ќе биде постојано достапно на консултантот, најтесно ќе соработува со него за време на посетата и има добро познавање на англиски јазик.

Сместување и трошоци за храна во текот на целиот престој на консултантот.

Локални патни трошоци за консултантот (доколку е потребно).

Кој може да аплицира?

Програмата е наменета за микро, мали и средни компании кои ги исполнуваат следните услови:

Минимум една година активно работење;

Сопственик и управител на компанијата е македонски државјанин и жител;

Лице од компанијата кое ќе биде постојано достапно на консултантот, најтесно ќе соработува со него за време на посетата и има добро познавање на англиски јазик;

Високо ниво на посветеност од страна на менаџментот на компанијата;

Во добра финансиска состојба (има можност за имплементација на промените и препораките од консултантот);

Ги исполнуваат критериумите за микро, мали и средни компании.

*Предност ќе имаат компании кои се извозно ориентирани и нудат иновативни решенија.

Компании кои досега учествуваа на програмата

Како да се пријавите?

Потребно е да доставите:

Пополнета апликација (на англиски јазик) – симнете ја ТУКА;

Краток опис на вашата компанија и причините зошто ви е потребен консултант (на англиски јазик);

Доколку имате – дополнителни документи, брошури или каталози за компанијата.

Сите заинтересирани компании, документите треба да ги достават до Координаторот на програмата, Бојана Киселоски, на следната адреса – bojana@macedonia2025.com

Крајниот рок за доставување на апликациите е 15 јули 2025.

Доколку имате дополнителни прашања, Ве молиме контактирајте нè на bojana@macedonia2025.com.

Posted on May 20, 2025May 20, 2025 by Marija

„Ментално здравје и справување со стрес“ – втора обука за стипендистите на програмата „Атанас Близнакоф“

На 19 мај 2025 година, во просториите на Млади Хаб, Скопје, се одржа втората практична работилница во рамки на програмата „Атанас Близнакоф“ на Македонија2025, посветена на темата „Ментално здравје и справување со стрес“.

Работилницата ја водеше проф. д-р Ана Фрицханд, професорка на Институтот за психологија при УКИМ, која преку интерактивен пристап и лични примери го доближи значењето на емоционалната стабилност и психолошката самосвест до младите учесници. Стипендисти активно учествуваа во сесијата, споделувајќи искуства и размислувања поврзани со менталното здравје и стресот.

Програмата беше структуирана во три дела. Обуката започна со интерактивна игра за запознавање „Две вистини и една лага“, со која се создаде позитивна енергија и меѓусебна доверба. Потоа, учесниците работеа во мали групи каде размислуваа за трите работи што ги сакаат, во што се добри и што планираат да постигнат – вежба за саморефлексија и мотивација. Во вториот дел од сесијата, преку тимска активност „Цртање со затворени очи“, се нагласи значењето на комуникацијата, довербата и соработката.

Фокусот на завршниот дел беше ставен на практични совети за справување со стрес, анксиозност и панични напади. Проф. Фрицханд ги сподели техниките за длабоко дишење, важноста на релаксирачки активности и улогата на поддржувачки кругови од блиски луѓе: „Кому му се обраќате кога сте под стрес?“ и „Кој ви се обраќа вам кога му е тешко?“

Работилницата целосно ја исполни својата цел – да ги поттикне младите да се грижат за сопственото ментално здравје, да препознаваат знаци на стрес и да користат ефективни стратегии за справување со него. Овој настан ја зајакна заложбата на Македонија2025 и програмата „Атанас Близнакоф“ да негуваат млади лидери кои се подготвени да се соочат со лични и професионални предизвици со самодоверба и емпатија.

Искрена благодарност до Млади Хаб за поддршката во реализацијата на оваа значајна работилница.

Posted on May 20, 2025May 20, 2025 by Marija

Наталија Тасевска – Првенец на генерација и гордост на програмата “Таленти денес – лидери утре„

Со големо задоволство ја споделуваме извонредната вест дека нашата стипендистка Наталија Тасевска, дел од стипендиската програма за талентирани средношколци “Таленти денес – лидери утре„ на Македонија2025, е избрана за првенец на генерација во своето училиште ОСУ “Ацо Русковски„ во Берово.

Ова признание доаѓа како резултат на нејзината огромна посветеност, труд и страст кон знаењето, креативноста и лидерството. Наталија приложила над 40 дипломи и сертификати, а нејзините професори изјавиле дека „едноставно не можеле да ги избројат сите бодови што ги има“, достигнувајќи над 220 бодови – најмногу досега забележани за ученик на генерација во училиштето.

“Ова признание ми значи многу – претставува круна на мојата посветеност, труд и љубов кон учењето и личниот развој. Без поддршката од моите професори, ментори и Македонија2025, моето патување немаше да изгледа вака„, вели Наталија.

Избрани достигнувања на Наталија во учебната 2024/2025 година:

🔹 Прва награда на државниот натпревар „Месец на наука“ (астрономија) со сопствена демонстрација и макета
🔹 Втора награда на државниот натпревар по Информатичко размислување и пласман на интернационално ниво
🔹 Втора награда на државниот литературен конкурс на тема „Св. Климент Охридски“
🔹 Прва награда на ликовен конкурс на тема „Берово – мојот роден крај“
🔹 Трета награда на меѓународниот конкурс „Детски Рацинови средби“
🔹 Успешно завршени 18 онлајн модули од програмата Girls Go Circular, со стекнати 18 сертификати
🔹 Учество во онлајн работилница на Goethe Institut на тема вештачка интелигенција и креација на дигитално уметничко дело
🔹 Посета на обука за зелени вештини и развој на бизнис концепти за зелени иновации во организација со поддршка на Македонија2025
🔹 Работа на сопствена веб-страница за претставување на нејзините уметнички дела
🔹 Активно учество во повеќе локални и државни иницијативи и натпревари, со признанија за лична и училишна заслуга.

Менторство што остава трага

Во рамки на програмата, Наталија доби менторска поддршка од искусна професионалка која ѝ помогна во насочувањето на нејзиниот личен и академски развој. Тие обработуваа теми како што се избор на кариера, градење личен бренд, лидерство и организациска култура.

“Верувам дека ова менторство ќе ми помогне не само во овој момент, туку и во секоја одлука што ќе ја носам понатаму. Секој разговор беше вреден, секој совет беше драгоцен, а секој момент поминат во ова искуство беше чекор поблиску кон градење на мојата визија за иднината. Оваа поддршка за мене значи многу, и од срце сум благодарна за можноста да учам од некој кој вистински ме инспирира„, вели Наталија.

Горди сме што сме дел од нејзиниот пат

Наталија е доказ за потенцијалот што го носат младите таленти во Македонија. Ние во Македонија2025 сме особено горди што веќе втора година ја поддржуваме преку програмата “Таленти денес – лидери утре„, која има за цел да препознае, поттикне и насочи млади ученици со исклучителен капацитет и амбиција.

Со нејзиниот глас, пример и постигнувања, Наталија ги инспирира нејзините врсници, професори и целата заедница. Уверени сме дека ова е само почеток на едно блескаво патување исполнето со успеси и позитивни промени.

“Вашата поддршка и мотивација му дадоа посебна вредност и сила на моето патување – ви благодарам што бевте дел од него„, порача Наталија до нашата организација.

На Наталија ѝ посакуваме многу успех и среќа на претстојното академско патување – со сигурност знаеме дека каде и да студира, ќе продолжи да блеска и да го носи знамето на успехот високо!

Posted on May 1, 2025May 1, 2025 by Marija

Успешно заврши седумнаесеттото издание на „Лидер Проектот“ на Македонија2025 – врвна бизнис обука за млади лидери и претприемачи

Скопје, 30 април 2025 – Со финални презентации на иновативни бизнис-идеи и нетворкинг настан со алумни-заедницата, успешно заврши седумнаесеттото издание на „Лидер Проектот“ – врвна бизнис обука организирана од Македонија2025, наменета за млади професионалци, идни менаџери и претприемачи од целата земја. Програмата се реализираше во соработка со реномираната бизнис-школа „Ричард Ајви“ од Канада и се темели на најдобрите глобални практики во деловното управување, адаптирани на локалниот контекст и предизвици.

Во текот на две недели, учесниците интензивно работеа на теми од стратегија, финансиско управување, маркетинг, развој на производ, човечки ресурси и лидерство, преку анализа на реални деловни студии на случај, симулации и практични задачи. Обуката вклучи и индивидуална менторска поддршка од искусни канадски предавачи.

Круна на програмата беше натпреварот за најдобра бизнис-идеја, на кој учесниците ги претставија своите концепти пред жири составено од етаблирани македонски бизнис-лидери. Жирито ги оценуваше идеите според иновативност, одржливост и пазарен потенцијал, а самите презентации претставуваа одлична можност за примена на стекнатите знаења во реален контекст.

По завршувањето на официјалниот дел, се одржа и нетворкинг настан со членови на алумни-заедницата на „Лидер Проектот“, што овозможи поврзување, размена на искуства и иницирање на нови соработки меѓу младите професионалци.

Преку оваа врвна бизнис обука, Македонија2025 останува посветена на градењето на нови генерации млади лидери и претприемачи, подготвени да придонесат за економскиот развој и иновативноста на Македонија.

Posted on May 1, 2025May 1, 2025 by Marija

Започна седумнаесеттото издание на ЛИДЕР Проектот на Македонија2025: Врвна обука за идни лидери во бизнисот и претприемништвото

Скопје, 22 април 2025 – Денес официјално започна седумнаесеттото издание на ЛИДЕР Проектот, едукативна програма за млади професионалци, идни менаџери и претприемачи од Македонија. Обуката се реализира во организација на Македонија2025, во соработка со престижната бизнис-школа „Ричард Ајви“ од Канада.

Млади професионалци од цела Македонија ќе имаат можност да учествуваат во оваа интензивна двонеделна обука, креирана според МБА програмите на „Ајви“, и прилагодена да одговори на реалните предизвици со кои се соочуваат стартапите, малите и средни претпријатија, но и идните менаџери во корпоративниот сектор.

Програмата вклучува теми од областа на стратегија, маркетинг, финансии, управување со човечки ресурси, развој на производ, подготовка на бизнис план и лидерство. Работата е базирана на студии на случај, симулации и практични вежби, а учесниците ќе добијат и индивидуални менторски сесии од инструкторите од Канада.

„ЛИДЕР Проектот е потврда за нашата силна заложба да изградиме генерација млади лидери кои ќе придонесат за економскиот развој и иновациите во Македонија. Веруваме дека вложувањето во знаење, претприемнички дух и лидерски вештини е основа за посилна и поконкурентна нација,“ изјави проф. д-р Никица Мојсоска Блажевски, главен извршен директор на Македонија2025.

Програмата и оваа година е збогатена со гостински предавања од македонски бизнис-лидери, кои ќе споделат практични искуства и ќе дискутираат за предизвиците и можностите во локалниот и глобалниот бизнис екосистем. На крајот на обуката, учесниците ќе презентираат сопствена бизнис идеја пред комисија составена од претставници на бизнис заедницата.

Македонија2025 е меѓународна, независна, непартиска и непрофитна организација која останува цврсто посветена на својата мисија – да придонесе за создавање просперитетна економска клима во земјата и „посилна нација“, која ќе ги унапреди можностите за граѓаните, компаниите и странските инвеститори. Преку поддршка на конкурентноста, претприемништвото, иновациите и вредносно лидерство, ја промовираме визијата за одржлив економски раст на Македонија.

Posted on April 24, 2025April 24, 2025 by Marija

Get Ready: Macedonia2025 Summit Returns May 12–13 in Skopje

The countdown is on for the Macedonia2025 Summit 2025, taking place May 12–13 at the Skopje Marriott Hotel. This premier platform will bring together over 500 leaders from around the world for a transformative program focused on innovation, reform, and inclusive growth.

🌐 Summit Highlights Include:

Opening Address by Prime Minister Hristijan Mickoski and Closing by President Gordana Siljanovska Davkova

Power Talks with Nika Gilauri (Former PM of Georgia), Paolo Ardoino (CEO of Tether) and many more.
Diaspora Panel spotlighting return investment and national growth

🧠 Notable Speakers:

Chris Pavlovski, CEO of Rumble

Paolo Ardoino, CEO of Tether

Stefan Andonovski, Minister of Digital Transformation

Victor Savevski, Chief Innovation Officer, Humanitas Healthcare

Dao Jensen, President, Compass UOL

And many more…

📲 Make the most of your Summit experience—connect, schedule meetings, and explore the agenda via the Pine Events app.👉 Visit the Summit page to learn more

Summit 2025

Posted on April 16, 2025April 16, 2025 by Marija

„Моќта на јавното говорење и говор на тело“ – работилница за развој на вештини на АБФ стипендистите

На 15 април 2025 година, во просториите на Млади Хаб, Скопје, се одржа практична и инспиративна работилница на тема „Моќта на јавното говорење и говор на тело“, организирана за стипендистите на програмата „Атанас Близнакоф“ на Македонија2025.

Интерактивната сесија беше водена од Анастасија Илиевска – новинарка, уредничка и сертифициран обучувач за комуникациски вештини, која преку практични примери и директна вклученост на учесниците ја доближи темата до секој присутен. На настанот учествуваа 20 млади стипендисти кои активно се вклучија во сесијата.

Целта на работилницата беше да ги охрабри младите да зборуваат самоуверено, автентично и со јасна порака. Преку воведувањето на формулата 3А – Автентичност, Ажурност и Акција, учесниците се запознаа со темелите на ефективната комуникација. Особено внимание беше посветено и на невербалната комуникација – тоналитетот, држењето на телото, микромимиката, гестовите, позиционирањето на нозете и изборот на облека – како елементи кои силно влијаат врз перцепцијата на говорникот.

Работилницата целосно ја исполни својата мисија – да ги опреми младите лидери со применливи комуникациски алатки кои ќе им помогнат да се истакнат во академскиот, професионалниот и личниот развој. За сите кои не беа во можност да присуствуваат, сесијата беше целосно документирана и наскоро ќе биде достапна на социјалните медиуми на Македонија2025.

Овој настан претставува почеток на еден важен чекор во рамки на континуираната заложба на програмата „Атанас Близнакоф“ да инвестира во младите – со цел да ги подготви да ги застапуваат своите идеи, знаења и вредности – гласно, јасно и самоуверено.

Искрена благодарност до Млади Хаб за обезбедувањето на простор и за нивната помош во одржување на оваа работилница.

Posted on April 15, 2025April 15, 2025 by Marija

Финале на натпреварот „Најдобар бизнис концепт 2025: Натпревар за зелени иновации“

На 12 април 2025 година, во Скопје се одржа финалето на натпреварот „Најдобар бизнис концепт 2025: Натпревар за зелени иновации“, организиран од Националниот центар за развој на иновации и претприемачко учење (НЦРИПУ) при Машинскиот факултет на Универзитетот „Св. Кирил и Методиј“ во Скопје. Овој натпревар, наменет за средношколци, имаше за цел да го поттикне претприемачкиот дух кај младите и да промовира развој на зелени иновации кои позитивно влијаат врз економијата и животната средина.

На финалето учествуваа 16 тимови, кои ги презентираа своите иновативни идеи пред жири-комисијата.

„Македонија2025 е организација која е посветена на создавање на просперитетна иднина на нашата држава преку поддршка на иновации, образование и млади лидери како вас. Ние веруваме дека вие сте клучот кон одржлив развој на нашата држава и затоа сме горди партнери на овој натпревар,“ истакнаа претставниците на жири-комисијата на Македонија2025.

По внимателна евалуација, жири-комисијата ги избра следните победници:

I место: Проект RIZONIC – СОУ „Гошо Викентиев“, Кочани
II место: Проект PurTex – СОУ „Јане Сандански“, Струмица
III место: Проект Freshko – СУГС „Раде Јовчевски Корчагин“, Скопје и Проект MakeBag – СУГСГ „Здравко Цветковски“, Скопје

Победничките тимови ќе добијат награди од партнерите на натпреварот: Македонија2025, Халкбанка АД Скопје, Центарот за управување со знаење, Министерството за економија на Република Македонија и проектот GREENSMES – Interreg IPA Adrion.

Голема благодарност до сите учесници кои храбро ги презентираа своите идеи за позелена Македонија, придонесувајќи за подигнување на свеста за важноста на одржливиот развој.

Заедно продолжуваме да работиме кон одржлива иднина за Македонија!

Author: Marija

Биљана Илиева- Промотивна кампања „НАУКА ЗА ИДНИНАТА“

Congratulations to the April/May 2025 Zafirovski Executive Education Program Cohort!

Отворен повик – Програма за развој на микро, мали и средни компании поддржана од Фондацијата Битов и Catalyste+ Канада 2025

„Ментално здравје и справување со стрес“ – втора обука за стипендистите на програмата „Атанас Близнакоф“

Наталија Тасевска – Првенец на генерација и гордост на програмата “Таленти денес – лидери утре„

Успешно заврши седумнаесеттото издание на „Лидер Проектот“ на Македонија2025 – врвна бизнис обука за млади лидери и претприемачи

Започна седумнаесеттото издание на ЛИДЕР Проектот на Македонија2025: Врвна обука за идни лидери во бизнисот и претприемништвото

Get Ready: Macedonia2025 Summit Returns May 12–13 in Skopje

„Моќта на јавното говорење и говор на тело“ – работилница за развој на вештини на АБФ стипендистите

Финале на натпреварот „Најдобар бизнис концепт 2025: Натпревар за зелени иновации“

Recent Posts

Recent Comments

Archives

Categories

Explore Macedonia 2025

Subscribe to our newsletter

Contact Us