Четириесет и тројца студенти од првиот циклус студии на Универзитетот „Св. Кирил и Методиј“ Скопје се добитници на стипендијата „Атанас Близнакоф„ за студентска извонредност на Македонија2025. Годишно секој студент ќе добие 2,500 американски долари (денарска противвредност) стипендија како поддршка за своите студии. Стипендиите се обезбедени од Фондацијата „Атанас Близнакоф“, како поддршка за новата генерација на академски граѓани.

Стипендиите се доделуваат на редовни студенти кои се запишани на прва година на прв циклус на студии на сите факултети при Универзитет „Св. Кирил и Методиј„ во Скопје, кои постигнале исклучителни резултати и успех во претходниот циклус на образование, имаат достигнувања и мотивација за личен и професионален развој, но немаат доволно средства за продолжување на сопственото образование.

Годинава ја претставуваме четвртата генерација талентирани и амбициозни студенти што ќе станат дел од оваа престижна програма. Посебна чест ни е да истакнеме дека оваа година имаме вкупно 43 добитници, наместо вообичаените 40, бидејќи последните кандидати имаат идентичен број поени и ја делат истата рангирана позиција.

Со големо задоволство ја објавуваме листата на добитници на стипендијата за академската 2025/2026 година:

Правото на користење на стипендија започнува откако избраните апликанти ќе достават потврда за редовен студент запишан/а во прва година на прв циклус на академски студии на некој од факултетите при Универзитетот „Св. Кирил и Методиј“ во Скопје во академската 2025/2026 година.

Дистрибуцијата на стипендиите ќе се реализира преку Фондацијата „Атанас Близнакоф“.

Македонија2025 како партнер на фондацијата „Атанас Близнакоф“ е одговорна за процесот на активно следење на успесите на стипендистите и нивното право за продолжување на стипендијата.

Благодарност до Фондацијата „Атанас Близнакоф“ за континуираната поддршка на македонските таленти веќе четири генерации по ред. Заедно градиме иднина на знаење, можности и успех.

Им честитаме на сите добитници и посакуваме оваа стипендија да биде силен поттик кон исполнување на нивните академски и професионални цели!