Знаењето е најсилниот сојузник на секој сон – верувај во себе и продолжи да учиш.

Во рамки на кампањата “Наука за иднината„, реализирана со поддршка на Џонсон Мети Програмата за влијание на заедницата, со големо задоволство ја споделуваме инспиративната приказна на Зелфије Хусеин, наставничка по природни науки и наставник-ментор во ООУ “Петар Здравковски Пенко„ од Скопје.

Преку својата мотивациска порака, таа ги охрабрува учениците да веруваат во себе и во моќта на знаењето: “Верувај во себе, учи со радост и не престанувај да сонуваш – знаењето ти ја отвора иднината.„

Во својата лична приказна, Зелфије ја истакнува љубопитноста како почетна точка на учењето и личниот развој: “Уште од мали нозе бев љубопитна и сакав да знам како функционира светот околу мене. Често поставував прашања, а понекогаш немав веднаш одговори. Но, токму тие прашања ме научија дека учењето е процес и дека не треба да се откажуваме кога нешто не ни оди од прва.„

Таа нагласува дека училиштето не е само простор за оценки, туку место каде се гради мислењето и карактерот: “Во училиштето сфатив дека знаењето не е само за оценки, туку алатка што ни помага да размислуваме, да создаваме и да бидеме подобри луѓе.„

И покрај предизвиците, упорноста и поддршката се клучни за напредокот: “Имаше моменти кога учењето беше тешко и кога се сомневав во себе, но со труд, упорност и поддршка од наставниците продолжив напред. Малите успеси ме мотивираа да верувам дека со работа можеме да постигнеме многу. Денес знам дека секој ученик има свој пат и свој талент.„

Како наставник и ментор, таа испраќа јасна и охрабрувачка порака до сите ученици:
“Науката ни помага да ја разбереме иднината и ни дава храброст да сонуваме големо. Затоа, никогаш не престанувајте да прашувате, да истражувате и да верувате во себе – затоа што знаењето е најсилниот сојузник на секој успех.„

Зелфије Хусеин е дел од мрежата на посветени наставници и ментори кои преку кампањата „Наука за иднината„ придонесуваат кон градење култура на љубопитност, самодоверба и истражувачки дух кај младите генерации.

———————-

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК.  

Повеќе за промотивната кампања “НАУКА ЗА ИДНИНАТА„

Ви благодариме што сте дел од ова неверојатно патување!

Кампањата е имплементирана во рамки на Џонсон Мети Програмата за влијание на заедницата “Науката и јас„. 

Повеќе за проектот во Македонија2025 “Науката и јас„  и за самата глобална иницијатива на Џонсон Мети тука.