Љупка Миленковиќ - Промотивна кампања “НАУКА ЗА ИДНИНАТА„

Секое големо откритие започнува со едно „Зошто?“

Во рамки на промотивната кампања „Наука за иднината“, реализирана со поддршка на Џонсон Мети Програмата за влијание на заедницата, со задоволство ја споделуваме инспиративната приказна на Љупка Миленковиќ, наставник-ментор и наставник по географија во ООУ „Војдан Чернодрински“ oд Скопје.

Како наставник, Љупка верува дека науката започнува со љубопитноста и со храброста да се поставуваат прашања. Таа секојдневно ги поттикнува учениците да го истражуваат светот околу себе, да размислуваат критички и да ја препознаат науката како алатка за подобра иднина.

Нејзината порака до учениците е инспиративна и охрабрувачка: „Драги ученици, науката започнува со едно обично прашање: ‘Зошто?’ и продолжува со храброст да се бара одговорот. Таа ви помага да го разберете светот, природата, луѓето и промените што се случуваат околу нас. Преку науката откривате нови можности, развивате критичко размислување и создавате решенија што можат да го направат животот подобар. Верувајте во вашата љубопитност, истражувајте, прашувајте и не плашете се да сонувате големи соништа. Можеби токму меѓу вас се идните научници, географи, лекари, инженери, истражувачи, екологисти, туризмолози и иноватори кои ќе ја менуваат иднината.“

Во својата лична приказна, Љупка споделува како љубовта кон географијата ја насочила кон професија посветена на образованието: „Мојата успешна приказна започна со љубовта кон географијата - наука што ги поврзува природата, човекот и просторот во кој живееме. Таа љубов ме водеше кон избор на професија преку која денес имам можност да ја пренесувам љубопитноста кон науката на младите генерации. Географијата е и природна и општествена наука, бидејќи ни помага да ги разбереме природните појави, климата, водите, релјефот и животната средина, но и населението, населбите, културите, стопанството и начинот на кој луѓето го менуваат светот околу себе.

Како наставник по географија, секојдневно се трудам да им покажам на учениците дека науката не е само во учебниците, туку е присутна насекаде околу нас. Таа нè учи да набљудуваме, да истражуваме, да поставуваме прашања, да размислуваме критички и да бараме решенија за предизвиците на современиот свет.

Најголем успех за мене е кога кај учениците ќе се разбуди љубопитноста и желбата за откривање, а токму таа љубопитност може да биде првиот чекор кон избор на образование и кариера поврзани со науката. Затоа ги охрабрувам учениците да ја сакаат науката, да истражуваат и да веруваат во себе. Можеби токму тие ќе бидат идните географи, истражувачи, екологисти, туризмолози, урбанисти, инженери, лекари или научници кои ќе придонесат за создавање подобра иднина.“

Љупка Миленковиќ е дел од заедницата на посветени наставници кои преку кампањата „Наука за иднината“ ги инспирираат младите да ја откријат науката како пат кон знаење, критичко размислување, иновации и подобра иднина.

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК.  

Повеќе за промотивната кампања “НАУКА ЗА ИДНИНАТА„

Ви благодариме што сте дел од ова неверојатно патување!

Кампањата е имплементирана во рамки на Џонсон Мети Програмата за влијание на заедницата “Науката и јас„.  

Повеќе за проектот во Македонија2025 “Науката и јас„  и за самата глобална иницијатива на Џонсон Мети тука.