М-р Елизабета Митревска – Промотивна кампања „НАУКА ЗА ИДНИНАТА“

Верувајте во себе – можеби токму вие ќе создадете големи промени во светот

Во рамки на промотивната кампања „Наука за иднината“, реализирана со поддршка на Џонсон Мети Програмата за влијание на заедницата, со задоволство ја споделуваме инспиративната приказна на м-р Елизабета Митревска, одделенски наставник во ООУ „Кирил Пејчиновиќ“ од Скопје.

Како наставник и едукатор со три децении искуство, Елизабета верува дека образованието има моќ да ги поттикне децата да ги откријат своите интереси и таленти, да поставуваат прашања и храбро да ги следат своите соништа. За неа, науката отвора можности за нови откритија, но и им помага на младите да разберат дека со знаење и посветеност можат да придонесат за подобра иднина.

Нејзината порака до учениците е исполнета со верба во нивниот потенцијал: „Пред вас е период во кој ќе ги откривате своите интереси, таленти и идни соништа, а со секој ваш чекор што ќе го направите во светот на науката ќе придонесете за подобра иднина. Затоа, верувајте во себе - можеби токму вие ќе бидете идните научници кои ќе создадат големи промени во светот.“

Во својата лична приказна, Елизабета зборува за љубовта кон педагогијата и за три децении посветени на образованието, учењето и развојот на младите: „Мојата успешна приказна е мојата љубов кон педагогијата - општествена наука која го истражува воспитанието, образованието, процесот на учење и развојот на човекот. Како наставник и едукатор со три децении работа, секој ден со истата посветеност, ентузијазам и желба продолжувам да ги водам учениците низ светот на знаењето, да ги инспирирам да веруваат во себе, да учат, истражуваат и да ги следат своите соништа.

Секоја генерација што поминала низ мојата училница оставила посебна трага во моето срце и ме потсетила зошто сум ја избрала оваа професија. Да се биде учител не значи само да се пренесува знаење – тоа значи да се охрабрува, да се слуша, да се поддржува и да се верува во секое дете.

Најголема награда за мојата работа се насмевките на учениците, нивните успеси и сознанието дека сум била дел од нивното растење и созревање. Низ годините научив дека учителската работа не е само работа, туку повик исполнет со траење, љубов и одговорност.

Затоа, ве охрабрувам да размислите за кариера поврзана со науката, бидејќи токму науката го менува светот, носи нови откритија и им помага на луѓето да живеат подобро.“

М-р Елизабета Митревска е дел од заедницата на посветени наставници кои преку кампањата „Наука за иднината“ ги инспирираат младите да веруваат во своите способности, да ги откриваат своите интереси и таленти и преку знаењето и науката храбро да го градат патот кон својата иднина.

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК  

Повеќе за промотивната кампања “НАУКА ЗА ИДНИНАТА„

Ви благодариме што сте дел од ова неверојатно патување!

Кампањата е имплементирана во рамки на Џонсон Мети Програмата за влијание на заедницата “Науката и јас„.  

Повеќе за проектот во Македонија202 “Науката и јас„  и за самата глобална иницијатива на Џонсон Мети тука.