Отворен повик за Битов програмата за претприемачи

Меѓународна експертиза за раст и развој на македонските компании

Македонија2025 објавува нов повик за Битов програмата за претприемачи. Преку програмата, македонските мали и средни компании добиваат можност да работат директно со искусен канадски консултант, кој во рок од неколку недели заедно со тимот на компанијата ќе ги идентификува клучните предизвици и ќе предложи конкретни решенија за раст. Трошоците за ангажманот на консултантот ги покрива Македонија2025.

Програмата се реализира со поддршка од семејството Битов, во партнерство со канадската организација Catalyste+, и има за цел да им помогне на компаниите да го унапредат своето работење, да ја зголемат конкурентноста и да создадат нови можности за раст.

За програмата

Битов програмата за претприемачи им овозможува на компаниите директна соработка со канадски консултанти со долгогодишно менаџерско и меѓународно искуство.

Секоја избрана компанија се поврзува со консултант чија експертиза одговара на нејзините конкретни потреби. Консултантот работи директно со менаџментот и вработените во период од две до четири недели, со фокус на практични препораки и подобрувања во работењето.

Области во кои компаниите можат да добијат поддршка:

• Стратегија за раст и развој на компанијата

• Подобрување на бизнис процесите и оперативната ефикасност

• Продажба, маркетинг и развој на нови пазари

• Развој на нови производи и услуги

• Финансиско планирање и управување со финансиите

• Организациски развој и унапредување на менаџментот

• Производство, контрола на квалитет и оптимизација на процесите

Програмата е отворена за компании од различни индустрии, а областите на поддршка се определуваат според нивните конкретни потреби.

Компании што веќе учествуваа:

Што обезбедува Македонија2025?

Македонија2025 ги покрива трошоците за ангажманот на канадскиот консултант и неговото меѓународно патување до Македонија.

Во соработка со Catalyste+, Македонија2025 го координира процесот на селекција, изборот на соодветен канадски консултант и реализацијата на консултантскиот ангажман.

Обврски на компанијата

Компанијата учесник треба да обезбеди:

• Сместување и оброци за консултантот за време на престојот

• Локален транспорт, доколку е потребен

Кој може да аплицира?

Програмата е наменета за мали и средни компании кои ги исполнуваат следните критериуми:

• Компанијата постои најмалку три години

• Сопственикот и управителот на компанијата се македонски државјани и жители на Македонија

• Компанијата е во добра финансиска состојба и има капацитет за имплементација на препораките

• Менаџментот покажува високо ниво на посветеност кон активно учество во програмата

• Компанијата има лице кое добро го познава англискиот јазик и кое ќе биде достапно и директно ќе соработува со консултантот

• Компанијата ги исполнува критериумите за мала или средна компанија

Предност ќе имаат компании кои се извозно ориентирани, развиваат иновативни производи или услуги и имаат потенцијал за понатамошен раст.

Како да аплицирате?

Аплицирањето е едноставно и не бара дополнителна документација. Потребните информации ги внесувате директно во апликацијата.

1. Преземете ја апликацијата: ЛИНК

2. Пополнете ја на англиски јазик

3. Испратете ја на: bojana@macedonia2025.com

Краен рок за аплицирање: 11 декември 2026 година

За дополнителни прашања, контактирајте нè на bojana@macedonia2025.com.