Александра Ќурчиевска - Промотивна кампања “НАУКА ЗА ИДНИНАТА„

Секое прашање е чекор поблиску до иднината

Во рамки на промотивната кампања „Наука за иднината“, реализирана со поддршка на Џонсон Мети Програмата за влијание на заедницата, со задоволство ја споделуваме инспиративната приказна на Александра Ќурчиевска, наставник-ментор и професор по одделенска настава во ООУ „Кузман Јосифовски - Питу“ од Скопје.

Како наставник, Александра верува дека секое дете носи во себе потенцијал за откривање, создавање и напредок. Нејзината мисија е да ја поттикне љубопитноста кај учениците и да им покаже дека секое прашање е нова можност за учење и личен развој.

Нејзината порака до учениците е едноставна, но моќна: „Секое поставено прашање е чекор поблиску до иднината што сам ја создаваш.“

Во својата лична приказна, Александра споделува како љубовта кон науката и образованието ја водела низ целиот нејзин професионален пат: „Верувам дека секоја љубопитност може да стане почеток на големо животно патување. Уште од најрана возраст ме привлекуваше науката и начинот на кој таа го објаснува светот околу нас. Но, уште посилна од љубовта кон знаењето беше мојата желба да бидам наставник - некој што ќе инспирира, ќе мотивира и ќе отвора нови хоризонти за младите.

Патот не беше секогаш лесен, но секој предизвик ме научи дека успехот се гради со труд, посветеност и постојано учење. Најголемата награда ја гледам во очите на учениците – кога ќе разберат нешто ново, кога ќе почнат да веруваат во себе и кога ќе се охрабрат да поставуваат уште повеќе прашања.

Денес, мојата работа во образованието и науката е повеќе од професија - таа е мисија. Верувам дека секој наставник и секој човек што ја сака науката може да биде ѕвезда-водилка за младите, да им помогне да го пронајдат својот пат и да ги охрабри да сонуваат поголеми соништа.

Драги основци, вашата љубопитност е вашата најголема сила. Нека секое прашање ве води чекор поблиску до вашата иднина. Можеби токму вие еден ден ќе бидете тие што ќе го осветлуваат патот за другите.“

Александра Ќурчиевска е дел од заедницата на посветени наставници кои преку кампањата „Наука за иднината“ ги инспирираат младите да ја препознаат науката како пат кон знаење, самодоверба, иновации и подобра иднина.

Моќта на знаењето

Во свет полн со можности, дарот на знаење е највредното богатство што можеме да го подариме на следната генерација. Со приклучувањето кон оваа иницијатива, вие станувате светилник на инспирација за оние кои ќе го носат факелот на науката напред.

Ајде да работиме заедно за да инспирираме, поттикнеме и едуцираме. Да ја разгориме страста за наука во срцата на основците. Вашите зборови би можеле да бидат искрата што го пали огнот на љубопитноста и извонредноста.

Придружете ни се во обликувањето на иднината на науката и младите научници кои ќе ја дефинираат. Заедно, можеме да направиме разлика.  Споделете го и Вие вашиот мотивациски цитат или кратка успешна приказна што го истакнува вашето патување како научник и прикачете ги на посебната форма која се наоѓа на следниот ЛИНК.  

Повеќе за промотивната кампања “НАУКА ЗА ИДНИНАТА„

Ви благодариме што сте дел од ова неверојатно патување!

Кампањата е имплементирана во рамки на Џонсон Мети Програмата за влијание на заедницата “Науката и јас„.  

Повеќе за проектот во Македонија2025 “Науката и јас„  и за самата глобална иницијатива на Џонсон Мети тука.