Посета на фабриката на Johnson Matthey – инспирација за новата генерација!

Testimonials

На 28 мај 2026 година, повеќе од 20 љубопитни ученици од четири основни училишта – ООУ „Стив Наумов“ – Скопје, ООУ „Димитар Миладинов“ – Скопје, ООУ „Христо Узунов“ – Охрид и ООУ „Григор Прличев“ – Скопје – имаа извонредна можност да ја посетат фабриката на Johnson Matthey, во придружба на своите посветени наставници по природни науки.

Овие интерактивни посети, реализирани со поддршка на JM Community Impact Program – „Science and Me“, им овозможија на учениците одблиску да видат како науката и иновациите се применуваат во пракса, да се запознаат со современите производствени и лабораториски процеси и да се инспирираат за идни кариери во областа на STEM (наука, технологија, инженерство и математика).

Секое училиште доби и практичен научен комплет, наменет да ја поттикне љубопитноста кај учениците и да им овозможи да продолжат да истражуваат, експериментираат и учат и надвор од училницата.

Упатуваме искрена благодарност до посветените вработени во Johnson Matthey од производството, лабораторијата и секторот за човечки ресурси, чија стручност, поддршка и ентузијазам го направија ова искуство навистина незаборавно.

Голема благодарност и до нашите партнери – Триглав Осигурување Скопје, Тримакс и сите останати кои придонесуваат за реализацијата на иницијативата „Science and Me“. Благодарение на нивната поддршка, учениците ширум Македонија добиваат пристап до квалитетни можности за учење и практична примена на STEM-образованието.

Со оваа активност успешно го заокружуваме уште еден циклус од проектот „Science and Me“ и им оддаваме признание на сите ученици, наставници и партнери кои придонесоа за неговата успешна реализација.

Заедно ја поттикнуваме љубопитноста, креативноста и научната писменост, инспирирајќи ги идните иноватори и научници!