Поддршка на девојки во СТЕМ

STEM IT LIKE A GIRL

“STEM it like a girl” е програма на Македонија2025 која ги промовира кариерите (професиите) во СТЕМ областа (наука, технологија, инженерство и математика) со главен фокус на СТЕМ едукација и кариера за младите девојки/жени.

Програмата има за цел да го намали јазот во образованието на младите жени и мажи, да ја намали професионалната сегрегација на жените во ниско-платени занимања и професии со мали можности за напредување и да ја намали стереотипната поделба на „машки„ и „женски„ професии. На тој начин ќе се намалат и родовите разлики на пазарот на труд (активност, вработеност и плати) и жените ќе имаат поголема улога во економскиот развој и поголема економска независност.

ПРИСТАПОТ КОЈ ГО ИМА ОВАА ПРОГРАМА ОПФАЌА НЕКОЛКУ КОМПОНЕНТИ, И ТОА:

Јавна кампања за промоција на СТЕМ кариерите преку мотивациски говори и споделување на сопствени искуства од страна на жени (од земјава, регионот и дијаспората) кои имаат успешни кариери во некоја од областите на СТЕМ. Преку овие активности ќе ги поттикнеме и охрабриме младите девојки да направат избор за понатамошно школување и кариера во СТЕМ.
Истражување за главните бариери – идентификација на препреките и предизвиците ско кои се соочуваат девојките за упис и развивање на кариери во областа на СТЕМ. Бариерите се поделени во три области: семејството, образованието и поширокото опкружување. Оваа компонента ќе се базира на канцелариска (desktop) анализа, и спроведен прашалник во училиштата. Најголемиот дел од активностите се насочени кон младите девојки на возраст 13-18 години (основно и средно образование), период кој е клучен при насочување и поттикнување на учениците во изборот на понатамошно образование и кариера. Врз основа на наодите од истражувањето, ќе се развијат и предложат мерки и препораки за јавни политики за намалување на главните бaриери до сите релеватни чинители во нашата земја, но и регионот.
Квалитетна практична настава – Во рамки на оваа компонента ќе обезбедиме и практична настава во врвни македонски претпријатија кои се наши партнери во спроведување на останатите наши редовни активности.

Очекувани резултати од проектот се: подигање на свеста на младите девојки за СТЕМ кариерите, зголемување на бројот на потенцијални студентки во високообразовните институции во СТЕМ областа, намалување и запирање на одливот на мозоци, како и моделирање на кадар кој е високо побаруван на пазарот на труд со вештини, искуство и барање.

Главните корисници на програмата се младите жени од основно образование (8мо и 9то одделение), средно образование и факултет

ИСКУСТВА

Партнер организации:

Програмата е финансиски поддржана од:

ПОВРЗАНИ ВЕСТИ

Ми претставува чест и задоволство што сум дел дел од фондацијата „Атанас Близнакоф”. Стипендијата ми претставува мотивација која ми обезбеди квалитетно и современо образование. Предизвици имаше многу, меѓутоа од денешна перспектива благодарна сум за сите потешкотии на патот кои ми ги олесни стипендијата. Како амбициозен студент кој цели кон професионален развој во областа на стоматологијата, поддршката во изминатиот период ми пружи можност да се вклучам во значајни процеси со кои го унапредив моето знаење. Како личност што сака постојано да се унапредува, стипендијата е мојот голем позитивен мотиватор кој ми овозможи и влијание врз многу аспекти од животот. Дефинитивно на успешната промена во моето образование која се случи доста брзо и самата одлука да се насочам кон унапредување во делот од стоматологијата беше стипендијата “Атанас Близнакоф„. Ништо не е невозможно! Како студент во прва година на Стоматолошки факултет бев активен учесник на 28-миот интернационален стоматолошки студентски конгрес и 3-тата летна школа за студенти по стоматологија и млади доктори по дентална медицина. Сѐ што ме поттикнува да бидам продуктивна и ми создава предизвик е чувство на исполнетост кога нешто ќе совладам.

Ги охрабрувам сите студенти да не се двоумат, аплицирајте бидејќи можноста да се покажете себеси со поддршката која ќе ви ја пружи стипендијата “Атанас Близнакоф” е вистински погодок за инвестиција во себе, вашата амбициозност и упорност.

Надица Јованова (Виница)Студентка на Стоматолошки факултет

Стипендијата од Фондацијата “Атанас Близнакоф„ во изминатата академска година ми беше од исклучителна важност да станам попродуктивна во реализирање на поставените цели и остварување на резултати. Ми претставуваше особена чест и задоволство што имавме можност оваа година да се запознаеме и дружиме со членовите и роднините од Фондацијата “Атанас Близнакоф„, луѓе (во вистинска смисла на зборот) кои со нивната компетентност и навремена помош ни го олеснуваат студирањето и ни отвораат нови перспективи. Од сè срце им препорачувам на сите талентирани ученици да аплицираат за оваа стипендија, бидејќи од тимот на фондацијата секогаш ќе наидете на професионализам, неизмерна посветеност и разбирање кои го олеснуваат нашето студирање и ни даваат инспирација и надеж за нови достигнувања.

Дозволете ми да изразам благодарност за вашата огромна работа и обемот на вашиот придонес во поддржувањето на талентираните студенти.

Мила Ѓорѓевска (Куманово)Факултет за шумарски науки, пејзажна архитектура и екоинженеринг „Ханс Ем“

Стипендијата Атанас Близнакоф ми претставува голема поддршка и мотивација при моето студирање. Добивањето на истата ме поттикна на некој начин да го променам гледиштето кон полагање на предметите и кон оцените. Навистина ми е мило што ја добив, бидејќи на овој начин, обидувајќи се да ја задржам, увидов дека можам да имам подобри оцени и добар просек. Не се запишав на факултетот со тоа мислење, земајќи предвид дека се смета за еден од најтешките, но стипендијата е главниот „виновник“ што тоа се промени и навистина сум благодарна за ваквиот развој на настаните. Изминатава година таа ми беше поттик да постигнам успеси во учењето и да продолжам и понатаму да се борам да имам што подобри резултати.

Би им порачала на сите идни студенти да аплицираат за стипендијата зашто навистина вреди и претставува многу повеќе од парична помош, таа е и мотив да го дадеме најдоброто од себе. Верувајте, можете многу повеќе отколку што мислите.

Марија Богоевска (Велес)Студентка на Факултет за електротехника и информациски технологии (ФЕИТ)

Како дете на самохрана мајка можам да ви кажам дека добивањето на оваа стипендија е од огромна важност за мене, а воедно и за мојот родител. Доаѓањето во Скопје за студирање беше навистина предизвик кој што благодарение на оваа стипендија многу полесно се надминува. Од исклучителна важност е кога подмирувањето на сите трошоци поврзани со факултетот, партиципацијата како и самото купување на стручна литература за настава не ти претставуваат грижа. Поддршката што ја добиваме со оваа стипендија ни овозможува многу полесно да чекориме низ патот кој што сме го замислиле и целото наше внимание да биде насочено кон наставата без притоа да се грижиме како би била платена следната партиципација.

Благодарение на оваа стипендија имаме поголема мотивација и стимул многу полесно да се одвива нашето студирање. Стипендијава овозможи моето внимание да биде насочено кон студирањето, токму затоа како најзначаен успех би го споменала тоа што во оваа академска година успеав да ги положам сите предмети.

Марија Бурмузоска (Кривогаштани)Студентка на Филозофски факултет

Стипендијата Атанас Близнакоф е од големо значење за мене. Ми помогна финансиски и ми беше поттик и мотивација да вложам повеќе труд во текот на првата година. Оваа стипендија е постојан поддржувач на моите студии и придружник во остварувањето на моите цели.

На сите ученици, идни студенти и корисници на стипендијата Атанас Близнакоф, им посакувам успешни студии. Стипендијата искористете ја како поддршка во остварување на вашите цели и никогаш не заборавјте да верувате во себе и во вашите способности!

Климент Шиникоски (Охрид)Студент на Економскиот факултет

Стипендијата „Атанас Близнакоф“ е еден од главните мотиви за мојата одлука да го продолжам образовниот процес во нашата држава. Оваа стипендија ме мотивира да работам на својот личен и професионален развој и да се вложувам во своите студии на Фармацевскиот факултет.

Првата академска година е голем предизвик и носи со себе промени на кои треба да се адаптираме. Оваа стипендија ме мотивираше успешно да го совладам наставниот материјал и да ги надминам пречките. Дополнително, во текот на оваа академска година, освоив прво место на Интернационалниот натпревар по повод Недела на имунизацијата, организиран од EPSA – Европското здружение на студенти – фармацевти.

На сите идни студенти кои ќе аплицираат за оваа стипендија, им посакувам успешна апликација и ги советувам никогаш да не се откажуваат од своите соништа, бидејќи да се има соништа – значи да се има визија, а визијата станува реалност.

Јована Стојческа (Прилеп)Студентка на Фармацевски факултет

Стипендијата “Атанас Близнакоф„, можам да кажам дека беше најдоброто нешто, што ми се случи на почетокот на мојот студентски живот. Покрај тоа што е финансиска поддршка, оваа стипендија беше и голема поддршка и мотивација да работам напорно, да ги постигнам моите академски цели и исто така ми отвори врата и перспектива за посветла иднина.

Најголемиот успех во последнава академска година беше дека успеав да ги положам повекето од испитите, бидејќи напорно учев во текот на целата учебна година.

На сите оние ученици кои ќе аплицират за стипендија “Атанас Близнакоф„, би им порачала да работат многу за да ги постигнат нивните цели, и да не се откажуваат од работите што сакаат да ги постигнат, на почетокот ќе биде тешко, но ништо не е невозможно. Похрабри сте отколку што верувате, посилни отколку што изгледате и попаметни отколку што мислите.

Езана Бектеши (Скопје)Студентка на Правен факултет “Јустинијан Први„, Скопје

ИСКУСТВА

Партнер организации:

Програмата е финансиски поддржана од:

ПОВРЗАНИ ВЕСТИ

УЛОГАТА НА ОБРАЗОВАНИЕТО ВО ОМОЌУВАЊЕ НА ДЕВОЈЧИЊАТА ДА ИЗБЕРАТ КАРИЕРА ВО СТЕМ

Документ за политикa „Дали СТЕМ е вистински избор за мене? – Улогата на образованието во омоќување на девојчињата да изберат кариера во СТЕМ“

AЈДЕ ЗАЕДНИЧКИ ДА ИНСПИРИРАМЕ ПОВЕЌЕ ДЕВОЈКИ ВО СТЕМ!

AЈДЕ ЗАЕДНИЧКИ ДА ИНСПИРИРАМЕ ПОВЕЌЕ ДЕВОЈКИ ВО СТЕМ!

AЈДЕ ЗАЕДНИЧКИ ДА ИНСПИРИРАМЕ ПОВЕЌЕ ДЕВОЈКИ ВО СТЕМ!