ENИнспирацијата за оваа недела ни доаѓа од Исидора Јанева, која Ви препорачува: „It’s not about hiding and waiting to be perfect. It’s about stepping out of your comfort zone and making mistakes – it’s about allowing to get guidance from other women in the arena„
Исидора Јанева е студентка по бизнис информатика на УГД Штип и единствена девојка во Microsoft Student Learn Ambassadors екипата во Македонија. Се занимава со работа со млади луѓе и нејзина цел е да им ги доближи технички теми на сите оние кои се интересираат за нив. Моментално најголема арена на интерес и е веб програмирањето и изработка на веб страници, а се подготвува за сертификат од Microsoft на тема Azure. Нејзина најголема страст е иновацијата во постоечките образовни екосистеми: како можеме да создадеме повеќе квалитет и да се тркаме со лидерите во индустрија и образование во светот.
Македонија2025, во партнерство со Фондацијата Ана и Владе Дивац-Србија, спроведува активности за мотивирање и поддршка на младите девојки за избор на образование и кариера во некоја од областите на СТЕМ (Science, Technology, Engineering and Mathematics). Веруваме дека успешните приказни и искуства се најдобар начин за да ги намалиме стереотипите во општеството и поделбата на „машки„ и „женски„ професии и да им помогнеме на младите девојки да го остварат својот потенцијал.
Програмата “Поддршка на девојките во СТЕМ„ е поддржана од Амбасадата на Канада во Србија, Северна Македонија и Црна Гора и од Владата на Република С. Македонија.
#stemitlikeagirl #macedonia2025 #стемувајкакодевојка
