Соопштенија - Macedonia2025

Работилница за наставници – Иднината на образованието е во СТЕМ дисциплини и зелени компетенции

STEM it like a girlBy Macedonia 2025 јануари 31, 2023

27.01.2023 (Скопје) Иднината на образованието треба да се базира на развојот на т.н. STEM дисциплини (наука, технологија, инженерство и математика), родовата еднаквост и развојот на зелените компетенции кај младата популација беше заклучено на работилницата која се организираше во Македонската академија на науките и уметностите – МАНУ. Настанот го отворија претседателот на МАНУ, академик д-р Љупчо…

Details

ПРОГРАМА ЗА РАЗВОЈ НА МИКРО, МАЛИ И СРЕДНИ КОМПАНИИ ПОДДРЖАНА ОД ФОНДАЦИЈАТА БИТОВ И CATALYSTE+ КАНАДА

AnnouncementsBy Macedonia 2025 јануари 24, 2023

За програмата Програмата им овозможува на македонските компании да бидат советувани и поддржани од искусни канадски консултанти со богато искуство и врвни достигнувања. Консултантите ќе работат на конкретните предизвици со кои се соочуваат македонските компании, придонесувајќи кон побрз раст, повисока конкурентиност и интеранционализација на компаниите. Секоја компанија ќе биде поврзана со консултант чија експертиза и…

Details

Обука за основни концепти на вештачката интелегенција

ohridcampBy Macedonia 2025 декември 20, 2022

. На 17 декември 2022 година во Скопје, Македонија2025 во соработка со СЕМОС едукација спроведе еднодневна обука за основни концепти на вештачката интелегенција. Во рамките на обуката, 20-тина млади од нашата земја имаа можност да осознаат повеќе за основите, применливоста и влијанието на вештачката интелегенција во различни области на науката, бизнисот и во секојдневието. За…

Details

ОБУКА ЗА ОСНОВНИ КОНЦЕПТИ НА ВЕШТАЧКАТА ИНТЕЛЕГЕНЦИЈА

AnnouncementsBy Macedonia 2025 декември 7, 2022

Македонија2025 и Семос Eдукација нудат на 20-тина млади лица од Македонија на возраст од 16-19 години единствена можност да осознаат повеќе и да се стекнат со основни знаења и вештини во областа на вештачката интелегенција. Еден од приоритетите на Македонија2025, како организација со примарен фокус на економски и лидерски развој, е зголемување на дигиталната писменост…

Details

Панел Дискусијата “Дигитална трансформација: младите како двигатели на прогресот”

AnnouncementsBy Macedonia 2025 декември 5, 2022

Иднината е во дигитализацијата и дигиталните вештини. Секоја земја која цели кон тоа да биде голем играч во глобалната економија или има аспирации да ги достигне водечките земји мора да се фокусира на дигитализација. Придобивките од целосно функционално дигитализирано општество се бескрајни. Дигитализацијата им нуди на земјите во развој можност да направат голем скок и…

Details

ПРЕДНОВОГОДИШЕН БРИФИНГ ЗА НОВИНАРИ

AnnouncementsBy Macedonia 2025 декември 5, 2022

Македонија2025 организираше предновогодишно дружење на главниот извршен директор на Македонија2025, Никица Мојсоска-Блажевска и други претставници на организацијата со новинари од македонските телевизии и пишани медиуми. На настанот, главниот извршен директор на Македонија2025, Никица Мојсоска-Блажевска, даде краток осврт на реализираните активности на организацијата Македонија2025 во текот на 2022 година, а беа најавени и планираните активности за 2023 година. Настанот помина…

Details

OPEN CALL FOR SCHOLARSHIPS FOR THE OHRID HI-TECH EXCELLENCE CAMP

ohridcampBy Macedonia 2025 декември 2, 2022

OPEN CALL FOR SCHOLARSHIPS FOR THE OHRID HI-TECH EXCELLENCE CAMP 2023 Under the auspices of the President of North Macedonia, H.E. Stevo Pendarovski Application Deadline: 31.01.2023 Macedonia2025 is a non-profit, non-political organization dedicated to building strong partnerships and linkages worldwide, and working together towards building a stronger nation. We represent a platform for all Macedonians around…

Details

Квартален економски монитор − проекции кв.3 2022 г.

Announcements, dashboard, By Macedonia 2025 ноември 21, 2022

Македонија 2025 прогнозира: Растот на БДП во КВ.3 2022 ќе биде помеѓу -2,0% и 0% Според последните високо–фреквентни индикатори и досега расположливите податоци, предвидуваме негативен раст на Бруто домашниот производ, односно пад помеѓу -2,0% и 0%. Основна причина за предвидениот негативен економски раст од домашните фактори претставува големиот пад во градежниот сектор, додека војната во…

Details

“STEM≡quality – Омоќување на девојки и млади жени да следат СТЕМ (наука, технологија, инженерство и математика) образование и професионални кариери” – Студија на фактори поврзани со изборот на кариера во СТЕМ и начини да се поттикне интерес за СТЕМ меѓу девојчињата

Policy Contributions, STEM it like a girlBy Macedonia 2025 ноември 18, 2022

View Fullscreen

УЛОГАТА НА ОБРАЗОВАНИЕТО ВО ОМОЌУВАЊЕ НА ДЕВОЈЧИЊАТА ДА ИЗБЕРАТ КАРИЕРА ВО СТЕМ

STEM it like a girlBy Macedonia 2025 ноември 18, 2022

Македонија 2025, во партнерство со Фондацијата Ана и Владе Дивац oд Србија, изготи компаративна студија на фактори поврзани со изборот на кариера во СТЕМ и начини да се поттикне интерес за СТЕМ меѓу девојчињата насловена “STEM≡quality – Омоќување на девојки и млади жени да следат СТЕМ (наука, технологија, инженерство и математика) образование и професионални кариери”.…

Details

Ми претставува чест и задоволство што сум дел дел од фондацијата „Атанас Близнакоф”. Стипендијата ми претставува мотивација која ми обезбеди квалитетно и современо образование. Предизвици имаше многу, меѓутоа од денешна перспектива благодарна сум за сите потешкотии на патот кои ми ги олесни стипендијата. Како амбициозен студент кој цели кон професионален развој во областа на стоматологијата, поддршката во изминатиот период ми пружи можност да се вклучам во значајни процеси со кои го унапредив моето знаење. Како личност што сака постојано да се унапредува, стипендијата е мојот голем позитивен мотиватор кој ми овозможи и влијание врз многу аспекти од животот. Дефинитивно на успешната промена во моето образование која се случи доста брзо и самата одлука да се насочам кон унапредување во делот од стоматологијата беше стипендијата “Атанас Близнакоф„. Ништо не е невозможно! Како студент во прва година на Стоматолошки факултет бев активен учесник на 28-миот интернационален стоматолошки студентски конгрес и 3-тата летна школа за студенти по стоматологија и млади доктори по дентална медицина. Сѐ што ме поттикнува да бидам продуктивна и ми создава предизвик е чувство на исполнетост кога нешто ќе совладам.

Ги охрабрувам сите студенти да не се двоумат, аплицирајте бидејќи можноста да се покажете себеси со поддршката која ќе ви ја пружи стипендијата “Атанас Близнакоф” е вистински погодок за инвестиција во себе, вашата амбициозност и упорност.

Надица Јованова (Виница)Студентка на Стоматолошки факултет

Стипендијата од Фондацијата “Атанас Близнакоф„ во изминатата академска година ми беше од исклучителна важност да станам попродуктивна во реализирање на поставените цели и остварување на резултати. Ми претставуваше особена чест и задоволство што имавме можност оваа година да се запознаеме и дружиме со членовите и роднините од Фондацијата “Атанас Близнакоф„, луѓе (во вистинска смисла на зборот) кои со нивната компетентност и навремена помош ни го олеснуваат студирањето и ни отвораат нови перспективи. Од сè срце им препорачувам на сите талентирани ученици да аплицираат за оваа стипендија, бидејќи од тимот на фондацијата секогаш ќе наидете на професионализам, неизмерна посветеност и разбирање кои го олеснуваат нашето студирање и ни даваат инспирација и надеж за нови достигнувања.

Дозволете ми да изразам благодарност за вашата огромна работа и обемот на вашиот придонес во поддржувањето на талентираните студенти.

Мила Ѓорѓевска (Куманово)Факултет за шумарски науки, пејзажна архитектура и екоинженеринг „Ханс Ем“

Стипендијата Атанас Близнакоф ми претставува голема поддршка и мотивација при моето студирање. Добивањето на истата ме поттикна на некој начин да го променам гледиштето кон полагање на предметите и кон оцените. Навистина ми е мило што ја добив, бидејќи на овој начин, обидувајќи се да ја задржам, увидов дека можам да имам подобри оцени и добар просек. Не се запишав на факултетот со тоа мислење, земајќи предвид дека се смета за еден од најтешките, но стипендијата е главниот „виновник“ што тоа се промени и навистина сум благодарна за ваквиот развој на настаните. Изминатава година таа ми беше поттик да постигнам успеси во учењето и да продолжам и понатаму да се борам да имам што подобри резултати.

Би им порачала на сите идни студенти да аплицираат за стипендијата зашто навистина вреди и претставува многу повеќе од парична помош, таа е и мотив да го дадеме најдоброто од себе. Верувајте, можете многу повеќе отколку што мислите.

Марија Богоевска (Велес)Студентка на Факултет за електротехника и информациски технологии (ФЕИТ)

Како дете на самохрана мајка можам да ви кажам дека добивањето на оваа стипендија е од огромна важност за мене, а воедно и за мојот родител. Доаѓањето во Скопје за студирање беше навистина предизвик кој што благодарение на оваа стипендија многу полесно се надминува. Од исклучителна важност е кога подмирувањето на сите трошоци поврзани со факултетот, партиципацијата како и самото купување на стручна литература за настава не ти претставуваат грижа. Поддршката што ја добиваме со оваа стипендија ни овозможува многу полесно да чекориме низ патот кој што сме го замислиле и целото наше внимание да биде насочено кон наставата без притоа да се грижиме како би била платена следната партиципација.

Благодарение на оваа стипендија имаме поголема мотивација и стимул многу полесно да се одвива нашето студирање. Стипендијава овозможи моето внимание да биде насочено кон студирањето, токму затоа како најзначаен успех би го споменала тоа што во оваа академска година успеав да ги положам сите предмети.

Марија Бурмузоска (Кривогаштани)Студентка на Филозофски факултет

Стипендијата Атанас Близнакоф е од големо значење за мене. Ми помогна финансиски и ми беше поттик и мотивација да вложам повеќе труд во текот на првата година. Оваа стипендија е постојан поддржувач на моите студии и придружник во остварувањето на моите цели.

На сите ученици, идни студенти и корисници на стипендијата Атанас Близнакоф, им посакувам успешни студии. Стипендијата искористете ја како поддршка во остварување на вашите цели и никогаш не заборавјте да верувате во себе и во вашите способности!

Климент Шиникоски (Охрид)Студент на Економскиот факултет

Стипендијата „Атанас Близнакоф“ е еден од главните мотиви за мојата одлука да го продолжам образовниот процес во нашата држава. Оваа стипендија ме мотивира да работам на својот личен и професионален развој и да се вложувам во своите студии на Фармацевскиот факултет.

Првата академска година е голем предизвик и носи со себе промени на кои треба да се адаптираме. Оваа стипендија ме мотивираше успешно да го совладам наставниот материјал и да ги надминам пречките. Дополнително, во текот на оваа академска година, освоив прво место на Интернационалниот натпревар по повод Недела на имунизацијата, организиран од EPSA – Европското здружение на студенти – фармацевти.

На сите идни студенти кои ќе аплицираат за оваа стипендија, им посакувам успешна апликација и ги советувам никогаш да не се откажуваат од своите соништа, бидејќи да се има соништа – значи да се има визија, а визијата станува реалност.

Јована Стојческа (Прилеп)Студентка на Фармацевски факултет

Стипендијата “Атанас Близнакоф„, можам да кажам дека беше најдоброто нешто, што ми се случи на почетокот на мојот студентски живот. Покрај тоа што е финансиска поддршка, оваа стипендија беше и голема поддршка и мотивација да работам напорно, да ги постигнам моите академски цели и исто така ми отвори врата и перспектива за посветла иднина.

Најголемиот успех во последнава академска година беше дека успеав да ги положам повекето од испитите, бидејќи напорно учев во текот на целата учебна година.

На сите оние ученици кои ќе аплицират за стипендија “Атанас Близнакоф„, би им порачала да работат многу за да ги постигнат нивните цели, и да не се откажуваат од работите што сакаат да ги постигнат, на почетокот ќе биде тешко, но ништо не е невозможно. Похрабри сте отколку што верувате, посилни отколку што изгледате и попаметни отколку што мислите.

Езана Бектеши (Скопје)Студентка на Правен факултет “Јустинијан Први„, Скопје