Со огромно задоволство ве известуваме дека на 16 април 2024 година Во Велес, успешно се одржа првиот регионален Саем за наука во рамките на Johnson Matthey – Џонсон Мети програмата за влијание на заедницата “Науката и Јас„.
На настанот учествуваа над 40 талентирани ученици од 6-то одделение, под менторство на своите наставници по природни науки од пет училишта од Велес, Облешево, Штип, Лозово и Батинци. Односно, да ги запознаеме и поздравиме училиштата учесници на првиот регионален Саем на наука, а тоа се:
- ООУ “Ванчо Прке„ од Штип со ментор наставник Мартина Трајковска Бојков
- ООУ “Алија Авдовиќ„ од Батинци со ментор наставник Џенан Ризвановиќ,
- ООУ “Климент Охридски” од Облешево со ментор наставник Наталија Георгиевска,
- ООУ “Методи Митевски-Брицо„ од Лозово со ментор наставник Валентина Витева,
- И училиштето домаќин ООУ „Блаже Конески“ од Велес под менторство на наставничката Ружица Петрушевска – Николовска.
Никица Мојсоска Блажевски, во име на Македонија2025 истакна: „Сево ова не би било возможно без иницијативата на Македонија2025 наречена “Науката и јас„, проект кој е поддржан од Џонсон Мети програмата за влијание на заедницата. Во рамки на проектот, ние обучивме 20 мотивирани млади наставника по природни науки. Програмата не само што ги опреми наставниците со потребните вештини и техники за ефективна настава во областа на природните науки, туку исто така ќе организираме и 4 вакви регионални саеми за наука, каде што вие учениците ќе можеме да ја доживееме наука во акција.„
Саемот привлече големо внимание со учество на дополнителни 150 гости ученици од Велес и околината.
Искрена благодарност до ООУ „Блаже Конески“ – Велес, за вашата неверојатна поддршка и гостопримство како училиште домаќин. Благодарност и до волонтерите – вработени Ана, Моника, Зорица и Алекандар од Џонсон Мети, чиј ангажман е во согласност со нивната политика која ги охрабрува вработените да земат учество во волонтерски активности, со што се зголемува нивната вклученост во поддршка на научните и образовни иницијативи. Вашата посветеност кон науката и образованието несомнено го збогати овој настан.
Благодариме на сите општествено одговорни компании како Костал Македонија, Триглав осигурување, Алкалоид АД Скопје, Тримакс и Литература.мк, кои несебично ја поддржуваат Македонија2025 и нејзините образовни програми.
Заедно правиме чекори кон подобра иднина преку образование и наука!
