MK
Успешни македонски претприемачи, сопственици на компании, претставници на стартап заедницата и студенти, покажаа голем интерес за програмите на EIT Digital, во склоп на интерактивната работлница, организирана од страна на Македонија2025 и Startup Macedonia.
Јасмина Поповска, Arise Country Lead во EIT Digital, пред присутните ги презентираше програмите на Европскиот институт за иновации и технологии, наменети за стартапи, програмите за раст на бизнис секторот, како и можностите за претприемничко образование за студентите, по што следуваше интересна дискусија.
Работилницата претставуваше одлична можност за сите стартапи и претприемачи, кои моментално работаат на развивање на технолошки и иновативни концепти, подобро да се информираат и да се мотивираат да аплицираат за меѓународен раст.
Посебен фокус беше ставен на EIT Digital Venture програмата, која нуди финансиска помош до ЕУР 15.000, претприемничка помош од меѓународни експерти и вклучување во врвниот европски иновациски екосистем.